JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Despeza públika TL ki’ik liu iha nível mundiál

Despeza públika TL ki’ik liu iha nível mundiál

Timor-Leste (TL) nia despeza iha tinan ne’e ki’ik ho de’it pursentu 22, nune’e TL nia despeza ki’ik liu iha nivel mundiál, tanba kada tinan Governu aloka orsamentu ho valor ki’ik iha área edukasaun, saúde, protesaun sosiál kompara ho nasaun sira seluk iha mundu.

Tanba ne’e, Orsamentu Jerál Estadu (OJE) tinan 2021, Governu tenke tau prioridade ba área importante sira liu husi aumenta porsentu ba despeza públika.

“Atu mellora ba dezafiu sira ne’e OXFAM no Core Group Transparency sujere ba Governu Timor-Leste atu promove no prioritiza hodi investe ba servisu públiku sira hanesan edukasaun, saúde no protesaun sosiál, hodi manan dezigualdade, ita sei la vense probreza sein luta kontra dezigualdade, aumenta orsamentu ba saúde to’o 15% atu mellora kondisaun investimentu iha sentru saúde komunitária atu hafásil asesu husi povu ki’ak sira, OJE tinan 2021 finansia totalmente sistema edukasaun públika atu oferese kualidade no igualdade ba ema hotu, liu husi aumenta orsamentu ba edukasaun atu koresponde ba medida rejiaun 16%. Protesaun sosiál nia distribuisaun tenke igual ba ema hotu, liu-liu ema vulnerável sira”, dehan, Analista Polítika no Peskiza OXFAM, Ines Martins, liu husi Relatóriu Redusaun Dezigualidade Indise tinan ne’e no liu husi konferénsia imprensa, Segunda (12/10), iha edifísiu OXFAM-Hudi-Laran.

Iha fatin hanesan, Peskizadór Core Group Transparency, Jonathan Gonçalves, hatutan, Governu presiza aloka osan ho valor boot, nune’e halo mudansa ba área importante hirak ne’e iha Timor-Leste.

“Orsamentu la’os de’it signifika ba de’it ministériu ne’e, tanba iha ministériu ne’e laran rasik iha polítika balun ne’ebé ministériu iha ona liu-liu edukasaun, atu reduz la presiza rekursu umanu ne’ebé mak iha kualidade tinan hirak liu ba ita hotu akompaña ministériu edukasaun fó ona formasaun ba ita nia mestre-mestra para sira rasik mós iha kualidade sira mós iha koñesimentu oinsa rekursu di’ak ba estudante sira”, tenik Jonathan.

Ho situasaun ne’e OXFAM husu Governu tenke investe osan ba área edukasaun, saúde no seluk tan ho porsentu 15 no porsentu 16 atu hadi’a no halo mudansa ba pontu importante hirak ne’e. Ina

Lee hotu :   Kompañia WUYI loke estrada iha Tasitolu hetan minarai

Add to Comments Here!!!!

error: Content is protected.
Secured By miniOrange
You might also like:
PAM: Populasaun TL pursentu 36 sei enfrenta problema inseguransa alimentár

Reprezentante Programa Alimentar Mundiál (PAM) iha...

Governu sei submete OJE 2021 billiaun USD1.895 ba PN iha semana ne’e

Sekretaria meza Parlamentu Nasionál (PN), Lídia...

Governu sei uza medida haat ba rekuperasaun ekonómika

Ministru Koordenadór Asuntu Ekonómiku (MCAE_sigla portugés)...

Close