JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estende EE impaktu ba roda ekonomia povu ki’ik

Estende EE impaktu ba roda ekonomia povu ki’ik

Administradór postu administrativu Cailaco, munisípiu Bobonaro, Alfredo Monis da Costa, hatete, relasiona ho Prezidente Repúblika (PR), Francisco Guterres “Lú olo” dekreta estensaun Estadu Emerjénsia (EE) ba daneen ne’e bele fó impaktu ba roda ekonomia povu ki’ik ninian.

“Tuir ami iha baze haree katak bainhira kuandu estende fali EE afeta mós ba komunidade nia moris, liu-liu ba ekonomia povu ninian, bainhira EE ba bei-beik impaktu ekonomia oinsa mak povu bele hetan osan no povu ne’e atu lori sira-nia produtu ba fa’an iha merkadu mós la di’ak, tanba iha baze ne’e ita haree osan povu atu hetan ne’e komesa susar tebes. Bainhira EE alastra ba bei-beik afeta mós komunidade sira ne’ebé hela iha kapitál, tanba povu ne’ebé hela iha sidade atu ba halo to’os iha ne’ebé no sira dependente de’it fila-liman, hodi bele hetan osan atu sustenta família. Iha baze komunidade sira iha produtu lokál, maibé ho situasaun pandémia COVID-19 povu sira-nia produtu lokál la folin, tanba sira labele lori produtu lokál ba fa’an iha merkadu nasionál”, Administradór postu Cailaco-Bobonaro ne’e ba GMN iha aldeia Mude, suku Meligo, Segunda Semana ne’e.

Iha fatin hanesan, komunidade munisípiu Ermera, Joana de Jesus, hateten, bainhira COVID-19 ne’e seidauk mosu produtu lokál iha Ermera lori ba iha kapitál Díli sei folin netik, maibé wainhira mosu ona moras ne’e no iha ona EE produtu lokál la folin ona.

“Ami sente triste wainhira ami-nia produtu lokál la folin, tanba ami lori sasan sira ne’e to’o iha merkadu Taibessi, Manleuna ho Comoro ema la sosa, tanba ho COVID-19 no mós EE ne’e ema laiha atu sosa. EE hahú husi primeiru to’o iha EE ba datoluk ne’e sira labele hetan osan, tanba ema hotu tenke hakmatek iha uma, tanba EE sei la’o hela. Ita-nia preokupasaun mak ne’e sé EE ne’e estende ba bei-beik ami povu ki’ik ne’e mak hamlaha no la hetan osan, tanba ho fila-liman ita bele hetan netik osan atu sustenta família no sustenta mós oan sira ba eskola”.

Iha sorin seluk, eis Ministru Saúde, Rui Maria de Araújo, esplika, dezafiu boot ne’ebé importante liu mak nivel estratéjiku ho nivel makro, oinsa mak nasaun sira jere risku ne’ebé mobilidade konektividade internasionál impoin ba nasaun sira hotu.

“Dezafiu estratéjiku ne’ebé boot mak Estadu sira ou nasaun sira hatene jere risku ne’ebé mobilidade ho konektividade lori mai iha saúde nasaun ninian, maibé iha tempu hanesan oportunidade ida atu nafatin kria kondisaun ba dezenvolvimentu rai ida ne’e ninian. Husi prespektiva dezenvolvimentu ho kresimentu ekonómiku enkuantu la jere komunidade sira, mobilidade internasionál sei susar teb-tebes”.

Entretantu PR, Francisco Guterres “Lú olo” dekreta EE ba dahuluk hahú iha loron 28, fulan Marsu no remata iha loron 26, fulan Abril, tinan 2020. EE ba daruak hahú husi loron 28, fulan Abril no remata iha 27, fulan Maiu, no EE ba datoluk hahú iha loron 28, fulan Maiu to’o loron 26, fulan Juñu, EE badahaat hahú iha loron 6, fulan Agostu to’o loron 4, fulan Setembru, EE ba dalimak hahú husi loron 5, fulan Setembru to’o loron 4, fulan Novembru, ikus liu EE ba daneen hahú husi loron 5, fulan Outubru to’o loron 3, fulan Novembru. eni

Lee hotu :   MTK JOSÉ AGUSTINHO PROMETE KRIA MEKANISMU DIAK IHA APORTIL

Add to Comments Here!!!!

error: Content is protected.
Secured By miniOrange
You might also like:
Governu prevé tokon USD 338 ba infraestrutura iha 2021

Orsamentu Jeral Estadu (OJE) tinan 2021,...

PGR: Criminalidade grave será mais “organizada e perigosa e desterritorializada”

O Procurador-Geral da República (PGR), José...

CNRT: FRETILIN hamro’ok ukun

Bankada CNRT haree ona katak, bankada...

Close