JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu prevé tokon USD 708.708 ba fulan Novembru-Dezembru

Governu prevé tokon USD 708.708 ba fulan Novembru-Dezembru

Primeiru Ministru (PM), Taur Matan Ruak, haktuir, Oitavu Governu Konstituisional, prevé orsamentu tokon USD 708,708,000.00 ne’ebé koresponde ba valór totál husi orsamentu previstu atu ezekuta entre fulan Novembru no fulan Dezembru tinan 2020.

Xefe Governu ne’e esplika, orsamentu ho montante tokon USD 671,292,000.00 ne’ebé koresponde ba valór totál ezekutadu entre fulan Janeiru ho loron 30 fulan Setembru tinan 2020, no tokon USD 117,100,000.00 ne’ebé koresponde ba valór totál husi Dotasaun Orsamental Temporaria (DOT) ne’ebé prevé ba fulan Outubru.

Orsamentu tokon USD 708,708,000.00 ne’ebé koresponde ba valór totál husi orsamentu previstu atu ezekuta entre fulan Novembru no fulan Dezembru tinan 2020.

“Ha’u fiar katak ida ne’e maka hanesan orsamentu rezisténsia no reziliénsia ni’an, no ne’ebé maka programa medida no resposta sira ne’ebé aprezenta iha ne’e hatudu momoos ezekusaun orsamentál iha fulan sanulu nia laran, ne’ebé kontribui ativamente atu hamenus impaktu negativu sira ne’ebé mai husi impase polítiku,” informa, Primeiru Ministru, Taur Matan Ruak, iha Parlamentu Nasionál, Kinta (01/20/2020).

Taur hatutan, Orsamentu ida ne’e  hanesan, esperansa nian ida iha retoma no rekuperasaun, ne’ebé kontribui ativamente ba aumentu konfiansa husi sidadaun sira no permite fó hakat dahuluk sira atu hadi’a dalan nasaun nian.

Nia esplika, ida-ne’e maka hanesan biban di’ak ida atu labele fila-fali ba kotuk, ba pontu molok krize, maibé atu transforma Timor-Leste sai nasaun ida-ne’ebé sólidu no inkluzivu liu, atu kumpre Planu Estratéjiku Dezenvolvimentu Nasionál no roteiru ba implementasaun ba objetivu sira dezenvolvimentu sustentavel ni’an.

“Liu husi OJE 2020 fó biban atu transforma, ita-nia sidadaun sira, hodi hanorin sira, hakbiit sira no forma sira, la’ós de’it iha koñesimentu tékniku no sientífiku sira, maibé mós iha kestaun karakter morál, étiku no sidadania di’ak nian, ne’ebé responsavel, disiplinadu, kompetente, kumpridór, empeñadu no tolerante liután, ne’ebé bele hatán ba país no merkadu traballu nia nesesidade sira,” tenik PM Taur.

Nia hatutan, biban atu transforma rekursu sira, kona-ba oportunidade eskolla, oferta no asesu ni’an ba empregu sira ne’ebé kualifikadu liu, ho kondisaun sira ne’ebé di’ak liu ka rendimentu sira ne’ebé dignu liu, atubele aproveita investimentu sira ne’ebé projeta ona iha infraestrutura, iha komunikasaun, iha konetividade sira no iha setór oin-oin ekonomia nian.

“Biban atu transforma ita-nia subsisténsia no dependénsia krónika ba produtu sira husi rai-liur, ba reziliénsia foun sira, hodi multiplika oferta husi estrutura produtiva no hari’i kooperativa no empreza ki’ik no média sira, ne’ebé bele investe iha diversifikasaun produtu,” informa Xefe Governu ne’e.

Xefe Ezekutivu ne’e afirma, biban atu transforma empeñu no kompromisu ba dezenvolvimentu, iha ambiente negósiu ida ne’ebé atrativu, ne’ebé bele kapta investimentu foun sira husi rai-laran no mós husi rai li’ur.

“Ne’ebé aposta ba ita-nia nesesidade estratéjika dezenvolvimentu nian iha parte tasi mane, liu husi projetu Tasi Mane, ba kriasaun polu foun dezenvolvimentu rejionál sira ne’ebé bele hamenus dezigualdade no evita imigrasaun husi fatin rurál sira mai Díli,” afirma PM Taur. Cin

Lee hotu :   ADB PRONTU FÓ EMPRESTA OSAN BA TL HO FUNAN KIIK

Add to Comments Here!!!!

error: Content is protected.
Secured By miniOrange
You might also like:
PM Taur haraik-an husu deputadu aprova proposta OJE 2020

Primeiru Ministru (PM), Taur Matan Ruak,...

TDD husu MP loke investigasaun ba oknum PNTL ne’ebé simu osan husi motorista

Tribunál Distritál Díli (TDD) liu hosi...

PNUD apoia konstrui uma komunikasaun ba PN

Uniaun Europeia ho Programa Nasones Unidas...

Close