JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei uza medida haat ba rekuperasaun ekonómika

Governu sei uza medida haat ba rekuperasaun ekonómika

Ministru Koordenadór Asuntu Ekonómiku (MCAE_sigla portugés) Joaquim Amaral, informa, Governu Timor-Leste (TL) sei uza medida haat hosi medida 72 ne’ebé Governu trasa, hodi implementa polítika rekuperasaun ekonómika iha rai-laran.

Medida ne’e mak hanesan, sei fornese ai-han bázika ba sidadaun Timor-oan hotu, apoiu empreza privadu sira hodi mantein atividade ekonómika, inklui hakma’an pagamentu seguransa sosiál no fó apoiu ba motorista ka kondutór transporte públiku sira.

“Fulan Dezembru tama fali ba faze rekuperasaun ekonómiku, Governu lansa kedas polítiku ida vizionáriu ba iha període mandatu Oitavu Governu nian, hosi 2020 to’o 2023, ne’ebé hanaran planu rekuperasaun ekonómiku, nia prazu sei remata iha Dezembru 2020, nia kontinuasaun médiu no longu prazu hahu 2020 to’o 2023, ne’e mós konsideradu hanesan faze dezenvolvimentu kresimentu ekonómiku”, relata Joaquim, liu hosi palestra avaliasaun ba COVID, iha Palasíu Nobre, Segunda(12/10/2020)

Nia dehan, krize ekonomia ida ne’e, Governu mai kedas ho vizaun ida klaru, atu oinsa sai hosi situasaun ida ne’e, iha tempu tinan 3 ou resin nia laran, iha periódu ida ne’e mak Governu mai duni ho medida atu rekupera ekonomia hamutuk medida 4, hosi medida 72 ne’ebé Governu dezeña atu lori Timor-Leste ba ekonomia normal.

Nia dehan tan, medida 4 ne’ebé agora atu implementa  iha fulan Dezembru mak hanesan, fornese ai-han ba sidadaun Timor-oan hotu-hotu atu iha direitu asesu ba ai-han no nia ezekusaun sei halo iha fulan Novembru no Dezembru, tinan ne’e.

“Medida tolu seluk sei fó apoiu ba emprezariu sira, atu sira bele mantein ou fó kontinuasaun ba sira nia atividade ekonómika no ida seluk atu ajuda ita nia sidadaun sira, liu hosi hakma’an seguransa sosial no ida seluk Governu sei ajuda setór informal sira, ita nia maluk sira ne’ebé hala’o atividade ba -an rasik, hanesan koñesidu ho kaki 5, sofér ou motorista lori kareta,” tenik nia.

Alénde ne’e, Governante ne’e afirma tan, Governu Timor-Leste sei esforsu másimu atu bele investe maka’as iha setór produtivu sira, hodi nune’e bele garante merkadu rasik no minimiza independénsia ba nasaun seluk.

“Situasaun ida ne’e hatudu mai ita katak, mezmu iha situasaun difisíl, maibé Governu ho rekursu ne’ebé limitadu, kontinua tau prioridade no define polítika ne’ebé klaru atu lori Timor-Leste sai hosi situasaun ekonomia ne’ebé difisíl,” nia subliña.

Dezafiu ne’ebé Timor-Leste hasoru agora mak, Timor-Leste nia ekonomia la’os ekonomia ida ne’ebé izoladu, maibé ekonomia ida ne’ebé interdependénsia ho país seluk, tanba ne’e mak kualker turbulénsia ne’ebé akontese iha mundu, sempre afeta ba iha Timor-Leste ninia ekonomia.

“Pandémia COVID ne’e mós fó oportunidade ida ba Timor-Leste katak, ne’e momentu ida ne’ebé oportunu atu Timor-Leste bele haree ba nia rekursu rasik, potensialidade ne’ebé TL iha, iha setór potensialidade lubuk ida mak hanesan, agrikultura, turizmu, servisu no selu-seluk tan, ida ne’e ita bele dehan barak la halimar iha ita nia leet no presiza de’it mak fó atensaun atu bele halo esplorasaun, tanba ne’e mak Governu mós konsidera iha situasaun kríze ida ne’e, atu bele fó atensaun hodi investe barak liu iha setór produtivu, pelu menus Timor-Leste bele asegura nia oferta, bele suporta nia merkadu rasik, atu nune’e ita bele to’o iha faze ida ita nia ekonomia bele fila-fali ba normalizade”, tenik Joaquim.

Iha biban hanesan, Ministra Negósiu Estranjeiru no Kooperasaun (MNEK), Adalgiza Magno relata, pandémia COVID-19 ho liña internet ne’ebé velosidade nei-neik iha Timor-Leste implika maka’as ba mehi Timor-Leste nian atu adere ba ASEAN.

“Ne’e dezafiu boot teb-tebes ba MNEK, tanba MNEK nia natureza ne’e sempre reuniaun ho ema estranjeiru, dezde Timor taka-an tomak, nein ema ida sai hosi Timor, hotu-hotu hela iha fatin, halo reuniaun dijital de’it, agora bolu dehan diplomasia dijitál, impaktu boot ida mak ita hotu hatene ita nia rede internet ne’e falla hela de’it, de vez enkuandu ita atu halo diskursu ruma, mensajen ne’e la to’o ema atu rona, dalaruma ema la rona tan saida mak ita ko’alia, ida ne’e falla boot mós ba MNEK ne’ebé mak atividade atu halo diplomasia ka halo lobi ne’e la’os 100%  ona hanesan uluk, impaktu bo’ot liu hanesan ita nia adezaun ba ASEAN, ne’ebé mak tuir loloos misaun final ne’e atu mai ona, buka tan dadus kona-bá ita nia preparasaun ba adezaun nian, derepente de’it para total, depois ita tenke halo buat hotu ho virtual de’it, ida ne’e dezafiu boot ida ba ami, maibe ami esforsu atu marka nafatin prezensa ativu iha virtual, se la’e ema haluha ona ita, ezemplu konkretu mak ita susesu loos para atu trava COVID, maibé ho ita nia frakeza ne’ebé iha, iha mundu la ko’alia kona-bá ita nia susesu sira ne’e, kompara ho rai sira seluk ne’ebé ho téknolojia di’ak ema hotu koñese sira nia esforsu,” akresenta Adalgiza.

Entretantu, objetivu hosi palestra ne’e, atu haree ba dezafiu no estratéjiku sira, inklui impaktu hosi COVID-19 ba dezenvolvimentu nasionál.

Palestra ne’e,  partisipa hosi membru Governu sira ne’ebé relevante, inklui reprezentante Parlamentu Nasionál husi komisaun F ne’ebé trata asuntu saúde no sosiál no komisaun B ne’ebé trata asuntu defeza seguransa no negósiu estranjeiru. Say

Lee hotu :   CCI-TL rekomenda SEJT, Tenki forma juventude ho kualifikasaun diak

Add to Comments Here!!!!

error: Content is protected.
Secured By miniOrange
You might also like:
PLP lamenta FRETILIN domina to’o administradór munisípiu

Deputadu bankada PLP, Noé da Silva...

Governu implementa polítika rekuperasaun ekonómika, tanba impaktu husi COVID-19

Ministru Koordenadór Asuntu Ekonómiku (MKAE), Joaquim...

Postu haat iha RAEOA-ZEESM falta bee-moos iha tempu bailoro

Hahú husi fulan Setembru to’o Outubru...

Close