GMN TV Economia PR promulga dekretu lei Sesta Bázika

PR promulga dekretu lei Sesta Bázika

Prezidente Repúblika (PR), Francisco Guterres Lú Olo, Tersa (6/10/2020), promulga ona dekretu lei kona-ba medidas apoiu ba família, liu husi atribuisaun “Sesta Bázika”, ba operadores ekonómikus lokais, iha ámbitu planu rekuperasaun ekonómiku no kria rejime espesial aprovizionamentu ba efeitu.

Liu husi komunikadu imprensa ne’ebé públika husi Mídia Palásiu Prezidensial, haktuir, Dekretu Lei  ne’e regula kona-ba mekanizmu no kondisoins ba implementasaun medidas apoiu ba família, atribuisaun sesta bázika, hanesan produtores agrikolas bázikas no operadores komersiais, ba produtus alimentares no ijiene pesoál, nasionais no lokais, ho perspetiva estimulasaun ekonómiku ba kurtu prazu no insentiva iha nível lokál no nasionál.

Alende ne’e, Sesta Bázika kompoin husi ai-han esensial no produtus ijienes ka voucher sosa nian ne’ebé koresponde sasan valór hanesan hodi envolve produtores agrikolas, produtores no operadores komersiais, membru ida-idak iha uma kain ne’ebé sei hetan apoiu no rejista iha livru rejistu uma kain.

Enkuantu Sesta Bázika sei fahe ba membru ida-idak iha uma kain sira iha fulan Novembru no Dezembru, tinan 2020, montante ba Sesta Bázika mak ho valor USD 25 ba membru ida-idak iha uma kain ba kada fulan, ba fulan rua nian.

No implementasaun medidas apoiu ba família sei lídera husi Ministru Koordenadór ba Asuntu Ekonómiku ne’ebé  koopera ho servisu públiku relevante no instituisoens la’os Administrasaun Públika ninian, membru Governu ne’ebé responsavel ba área saúde sei halo validasaun ba lista produtu atu hatene ninian nutrisaun no sanitáriu husi kada produtu ai-han.

Nune’e, membru Governu ne’ebé tau matan ba área administrasaun estatál sei servisu hamutuk ho autoriedades no administrasoens munisipais no suku ba elaborasaun lista Xefe Família no númeru total ba membru uma-kain ne’ebé sei sai benefisiariu no organiza ninia distribuisaun, inklui membru Governu ne’ebé responsabiliza rede nasionál no sentru solidariedade sosial iha Munisípiu sei apoiu distribuisaun ba Sesta Bázika. oly


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker