JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tempu badak, MSSI implementa apoiu manutensaun rekuperasaun ekonómika

Tempu badak, MSSI implementa apoiu manutensaun rekuperasaun ekonómika

Vise Primeira Ministra (PM), Ministra Solidariedade Sosiál no Inkluzaun (MSSI), Armanda Berta dos Santos, hateten, iha tempu badak Governu sei implementa apoiu retoma manutensaun ba atividade planu rekuperasaun ekonómika ho medida tolu.

“Ministériu Koordenadór Asuntu Ekonómiku ho MSSI komunika ba empreza sira hotu husi setor privadu ne’ebé rejista ona iha seguransa sosiál, emprezáriu individuál (ENIN) ba traballadór ho konta rasik no traballadór servisu doméstiku ne’ebé inskreve ona iha seguransa sosiál,  hafoin Dekretu-Lei númeru 51/2020, loron 14, fulan Outubru, kona-bá apoiu retoma manutensaun ba atividade no ámbitu ba planu rekuperasaun ekonómika”, Vise PM no MSSI ne’e ba jornalista sira liu husi konferénsia imprensa iha edifísiu MSSI, Caicoli-Díli, Kinta (29/10/2020).

Armanda afirma, dekretu lei refere aprova medida apoiu ba retoma no manutensaun ba atividade ne’ebé Governu kria atu garante dezenvolvimentu ekonómiku no redus efeitu negativu ba ekonómia impaktu husi krize sanitária ne’ebé mosu hodi harahun ekonómia mundiál.

“Tulun hirak ne’e fó ba sira ne’ebé mak iha kondisaun lakon reseita ka volume negósiu no hakarak atu retoma hikas sira-nia atividade no mós ba sira ne’ebé maske hakarak kontinua hala’o sira-nia atividade, maibé legalmente la permite, tanba distansiamentu obrigatóriu atu hado’ok husi pandémia refere hanesan ba ajénsia viajen, otelária no restaurante sira”, realsa Governante ne’e.

Iha fatin hanesan, Ministru Koordenadór Asuntu Ekonómiku (MKAE), Joaquim Amaral, akresenta, medida tolu destinu ba apoiu hahú fila-fali kompañia nia ekonomia, apoiu ba traballadór sira no mós ba iha setor naun formál sira.

“Apoiu ba traballadór sira no mós ba iha setor naun formal, iha ne’ebé servisu ba sira-nia-an rasik, inklui ba sira ne’ebé servisu iha setor doméstika, medida sira ne’e atu tulun ita-nia kompañia sira ne’ebé elejível ba ida ne’e sira tenke rejistu iha seguransa sosiál ne’e hanesan kriteira ida. Kompañia sira ne’ebé opera iha setor hanesan oteis sira, kompañia sira ne’ebé mak servisu iha relasaun aéroe, tanba situasaun COVID-19 viajen ladun movimentu, kompañia taka, entaun sira bele elejível ba apoiu ida ne’e”, subliña Joaquim.

Tuir Prezidente Institutu Seguransa Sosiál, Loguinhos Armando, deklara, medida fó ne’e primeru ba empreza sira, segundu setor naun formal, terseiru despeza eskluzivu, maibé ba kompañia sira bazeia ba rendimentu ne’ebé lakon hahú husi 50 porsentu mai kraik, Governu sei apoiu 55 pursentu husi saláriu traballadór ninian ne’e tun to’o 0 (zero) pursentu.

“Total orsamentu ne’ebé Governu prevé ba rekuperasaun ekonómika hamutuk 42 milhões, inklui mós ba operasionál hotu, iha ne’ebé balun uza ba operasional kuaze 40 milhões apoiu ba medida tolu ne’e, ida mak apoiu ba emprezáriu rejistu ona iha seguransa sosiál, segundu apoiu ba setor formal, terseiru despeza ho 6 pursentu, setor naun formal mak hanesan sira nain mak servisu ba sira-nia-an, inklui mós motorista sira, maibé motorista balun rejista tiha ona no mós ba kioske sira ne’ebé laiha lisensa”, tenik Longuinhos. Oly

Lee hotu :   CAFI indetifika projetu 46 laiha kontratu

Add to Comments Here!!!!

error: Content is protected.
Secured By miniOrange
You might also like:
PN konklui ona kalendáriu debate OJE 2021

Uma fukun Parlamentu Nasionál (PN) konklui...

Xanana husu komunidade Samalete proteje-an husi COVID-19

Líder Nasionál Kay Rala Xanana Gusmão,...

Ramos Horta: Indonézia nunka aseita Planu Paz

Eis Prezidente Repúblika, José Ramos Horta,...

Close