JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT kestiona autoridade RAEOA propoin rihun USD 70

CNRT kestiona autoridade RAEOA propoin rihun USD 70

Deputada CNRT, Maria Fernanda Lay, kestiona Autoridade Rejiaun Administrativa Espesiál Oe-Cusse Ambeno (RAEOA), ne’ebé propoin osan USD rihun 70 iha proposta Orsamentu Jerál Estadu (OJE) tinan 2021.

Deputada opozisaun ne’e informa, nia parte iha dokumentu komprova barak kona-bá aktu autoridade RAEOA ne’ebé uza osan povu nian halo festa iha fim de semana, tanba ne’e, deputada ne’e konsidera la merese atu gasta osan Estadu iha tempu ne’ebé povu barak sei moris kiak.

“Iha tinan 2020 nian sira tau USD 42 mill, para hodi halo dekorasaun ba festa, ne’ebé ami husu, ‘ita boot halo festa uza osan Estadu nian? nia hatan dehan sim, Segunda to’o Sesta ami bele servisu, maibé Sesta ba oin ami halo festa’, depois iha proposta OJE 2021 ne’e tau tan USD 70 mill. Festa ida horibainhira halo iha Aeroportu to’o xoke tan kareta ne’e, ne’e mós uza osan povu nian, ha’u komprova dokumentu iha. Iha OJE 2021 husu tan USD 70 mill hodi halo dekorasaun ba festa, agora konvida povu ka autoridade sira de’it mak ba han, tanba ne’e mak agora ha’u deskobre komisaun E mós tau USD 7 mill ba refensoens ho RAEOA”, kestiona deputada bankada CNRT ne’e liu husi konferénsia imprensa iha Parlamentu Nasionál (PN), Kuarta (18/11/2020).

Relasiona ho notísia ne’e, GMN seidauk halo konfirmasaun direta ho Prezidente Autoridade RAEOA,  Arsénio Bano, maibé Xefe bankada FRETILIN, Francisco Miranda Branco, rejeita, tanba konsidera hanesan akuzasaun falsu hasoru autoridade RAEOA.

Ida ne’e ha’u hanoin laloos ida, ne’e akuzasaun ruma, ha’u hanoin tuir saída mak Prezidente autoridade ne’e hateten, festa ne’ebé halo despedida ba embaixadór ida ne’ebé atu fila ona ba nia rain, tanba nia mandatu hotu ona no festa despedida nian ne’e iha Aeroportu”, argumenta Branco.

Iha proposta OJE tinan 2021 ne’e, RAEOA propoin USD tokon 141 resin, kompostu husi saláriu vensimentu, bens no servisu, transferénsia, kapitál menor no kapitál dezenvolvimentu.

Alénde ne’e, autoridade RAEOA mós prevé tan USD tokon 14, hodi rezolve konstrusaun Ró Haksolok. say

Lee hotu :   Governu sei halo dekretu Governu ba ezekusaun OJE

Add to Comments Here!!!!

error: Content is protected.
Secured By miniOrange
You might also like:
Xanana ba check up nia saúde iha Jakarta

Eis Prezidente Repúblika (PR), Kay Rala...

PR Lú Olo husu KKLN fó liman ba malu serví TL

Prezidente  Repúblika (PR), Francisco Guterres “Lú...

Autoridade lokál sira apresia Xanana nia asaun karitativa

Ho asaun karitativa ne’ebé Kay Rala...

Close