JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fulan ne’e, MSSI sei halo pagamentu ba reklamante

Fulan ne’e, MSSI sei halo pagamentu ba reklamante

Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto, apela ba reklamante sira atu pasensia uitoan, tanba dau-daun ne’e MSSI tenta iha fulan Novembru ne’e nia-laran, sei halo pagamentu subsídiu USD 200 ba reklamante sira.

“Tuir loloos ne’e subsídiu ne’e ita realiza ona pagamentu iha loron 26, fulan Outubru liu ba, maibé tanba iha problema tékniku, iha hatene katak iha situasaun faze tranzisaun Dotasaun Orsamentu Temporáriu (DOT) ho orsamentu Orsamentu Jerál Estadu (OJE) tinan 2020 ninian, sistema finansas iha momentu ne’ebá seidauk bele funsiona, entaun ita seidauk bele halo pagamentu, agora dau-dauk ami tenta hela atu realiza pagamentu ne’e iha fulan ida ne’e nia-laran, fulan Novembru tinan ne’e”, Diretór Jerál MSSI ne’e iha edifísiu MSSI, Caicoli-Díli, Kinta (05/11/2020), hodi responde preokupasaun autoridade lokál suku Camea  nian kona-bá ninia populasaun aldeia rua to’o oras ne’e seidauk simu subsídiu USD 200 husi Governu.

Rui Exposto esplika, lista reklamante sira Governu aprova ona hamutuk 2099, ne’ebé tuir loloos simu ona iha loron 26, fulan Outubru ne’e, maibé tanba fallansu tékniku mak benefisiáriu sira sei simu subsídiu USD 200 ne’e iha fulan Novembru tinan ne’e.

“Tenke realiza ona pagamentu 2099 benefisiáriu sira ne’ebé mak hatama reklamasaun haree katak elejível halo pagamentu, nia husu ba Xefe suku sira no mós benifisáriu sira iha kada suku pasiénsia uitoan, tanba MSSI seidauk deside data fiksu, sira sei públika ba públiku kona-bá pagamentu ne’e sei hala’o bainhira. Maibé ami nafatin tenta para iha fulan Novembru ita tenke realiza tiha pagamentu, agora preokupasaun kona-bá sesta bázika implementa tan, depois keta halo ba subsídiu USD 200 ne’e la selu karik, ha’u hanoin lae, tanba sira-nia naran taka tiha ona no orsamentu iha, ita hein de’it buat hotu hotu rezolvidu ona, ita realiza pagamentu”, realsa Diretór Jerál MSSI ne’e.

Nia akresenta, suku Camea por volta aldeia rua mak naran lakon, maibé dau-daun ne’e foin konsidera fali no taka tiha ona iha kada suku, Xefe suku mós hatene hela, tanba ne’e husu ba komunidade, liu liu ba benefisiáriu sira ne’ebé mak naran taka pasiénsia uitoan.

“Labele preokupa dehan katak Governu la selu, maibé Governu sei selu, tanba ne’e komprimisu Governu ninian, ne’e ita tenke rezolve duni, tanba ne’e sira-nia direitu, naran taka ona ami sei selu, soke data fiksu ba pagamentu ha’u seidauk bele fó sai, pagamentu ne’e kontinua uza osan husi fundu COVID-19 nian. Reklamsaun hirak ne’ebé tama ba MSSI por volta $15 mill 700 e tall husi reklamasaun hirak ne’e depois halo análiza liga ho parte legál sira haree katak, ida ne’ebé mak elejível loos ona atu halo pagamentu ne’e mak 2 mill 909 ne’e mak agora dau-daun naran taka ona iha munisípiu ida-idak, restante husi ne’e por volta husi 13 mill e tall, ami entrega fila-fali ba Ministériu Administrasaun Estatal (MAE) atu halo klarifikasaun, tanba iha reklamasaun hirak ne’e balun reklamasaun la kompletu”.

“Tenke entrega ba MAE atu haree no klarifika mai ami katak ida ne’ebé mak elejível ba pagamentu, ita la bele hein ne’e kleur, tanba ne’e mak ami avansa uluk ho 2 mill e tall, depois haree fali iha 13 mill ne’e, sera que na’in hira mak bele halo pagamentu, enkuantu total ida hetan ona subsídiu USD 200 por volta 290 mill e tall dadus loloos ami hatama ba Ministériu Finansas husu osan transfere ba konta suku ne’e 318 mill, maibé depois realiza pagamentu atinji de’it 290 mill e tall”, subliña Rui Exposto. oly

Lee hotu :   Governu kria programa sesta bázika atu tulun povu

Add to Comments Here!!!!

error: Content is protected.
Secured By miniOrange
You might also like:
MESSK fó oportunidade ba veteranu nia-oan 600

Ministru Ensinu Superior Siénsia no Kultura...

PTR simu Xanana nia krítika

Prezidente Tribunál Rekursu (PTR), Deolindo dos...

Labele halo diskriminasaun subsídiu ba reklamante sira

Xefe suku Camea, Matos Costa, deklara,...

Close