JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

INSS: Apoiu ba empreza no traballadór la inklui empreza formal

INSS: Apoiu ba empreza no traballadór la inklui empreza formal

Prezidente Administrasaun Institutu Nasionál Seguransa Sosiál (INSS), Longuinhos Armando, esplika, subsídiu ba empreza no traballadór ne’e la’ós ba traballadór sira ne’ebé servisu iha empreza formál, maibé ba de’it empreza no ba traballadór iha setor informál.

Tanba antes ne’e, traballadór sira iha setór formal, hetan ona pursentu 60 durante fulan tolu.

Rekuperasaun ekonómika ne’ebé Governu sei fó ba empreza no setór informál sira durante fulan haat ne’e relasiona ho surtu COVID-19, ne’ebé hamate roda ekonómia rai laran no oras ne’e dau-dauk INSS halo ona rejistu ba empreza no setór informál hamutuk 58.

Prezidente Administrasaun INSS ne’e informa, husi loron 4 to’o loron 16, fulan ne’e, INSS simu ona kompañia, organizasaun no setór informal sira hamutuk 50 resin.

Ho apoiu ne’e, Prezidente Administrasaun INSS, husu ba traballadór sira iha setór formal atu labele konfuzaun.

Tanba apoiu ne’e ba de’it empreza no mós traballadór sira iha setór informal hanesan kioske, negósiante ambulante no ba motorista transporte públiku sira.

Empreza no trablladór iha setór informal atu hetan apoiu ne’e, sei priense formuláriu husi INSS no Longuinhos hateten, rejistu ne’e sei loke to’o iha fulan Fevereiru, tinan 2021.

“Agora dau-daun ita atu ajuda kompañia la hanesan ho ida uluk, ida uluk ajudu ba ita-nia traballadór sira agora ajuda ba kompañia sira ba entidade empregadór sira, Governu atu selu haree ba nia volume impaktu husi Covid-19 ne’e ninia rendimentu pursentu hira mak lakon, ida ne’e mak presiza esplika, segundu presiza hatene traballadór sira ne’ebé mak servisu iha ne’ebá Governu sei ajuda saláriu mínimu husi ema sira ne’e, agora ajuda ba empreza no traballadór mak ita halo liu tiha ona, agora ba empregadór sira, maibé ba mós fakultativu ne’e ba individu ida-idak hanesan kioske oan sira ne’ebé que seidauk iha lisensa, maibé sira hala’o ona sira-nia atividade ita hakarak sira mós tenke envolve ona iha seguransa sosiál, ho nune’e sira bele hanoin ona ba sira-nia futuru, iha medida 3 ne’e ha’u esplika dala ida tan, ida ba empregadór sira no ida ba setór naun formal ida ba dispensa 6%”, Longuinhos Armando ba jornalista sira, Díli, Segunda (16/11/2020).

Antes ne’e, Ministru Koordenadór Asuntu Ekonómiku (MKAE), Joaquim Amaral, informa, ba apoiu ne’e Governu prevé ona orsamentu montante USD tokon 40 resin.

Entretantu dekretu Governu númeru 28/2020 ba apoiu durante fulan 4 ne’e hetan ona promulgasaun husi Xefe Estadu, iha fulan Outubru liu ba. ina

Lee hotu :   Impase polítiku provoka Lim fa’an empreza Kmanek ■CCI-TL preokupa Timor-oan barak sei lakon servisu

Add to Comments Here!!!!

error: Content is protected.
Secured By miniOrange
You might also like:
CNRT la aseita Arsenio prevé tan osan lori fila Ró Haksolok

Vise Xefe bankada CNRT, Patrocínio Fernandes, la...

Reseita FP sei la aguenta to’o 2031 ba oin

Prezidente Konsellu Konsultivu Fundu Petrolíferu (KKFP),...

Polémika BFA la transfere osan mai, KHUNTO husu BCTL klarifika ba públiku

Xefe bankada KHUNTO, Olinda Guterres, husu...

Close