JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN-Governu diskute panorama orsamentu 2021

PN-Governu diskute panorama orsamentu 2021

Vise Prezidente Parlamentu Nasionál (PN), Maria Angelina Sarmento, hateten, liu husi panorama orsamentu ba tinan 2021, deputadu sira bele hatene di’ak liu kona-bá sistema jestaun finanseira no iha mós koñesimentu kle’an kona-bá makro-ekonómiku.

“Liu husi ne’e deputadu sira bele hatene kona-bá sistema jestaun finansas públika  kona-bá panorama jerál ba Orsamentu Jerál Estadu (OJE) 2021 no makro-ekonómiku, koñesimentu kona-bá ekonomia makro ne’ebé ita hasoru, la’ós de’it iha Timor-Leste mesak, maibé nia influénsia makro-ekonómiku iha mundu internasionál mai to’o Timor-Leste no mós impaktu husi COVID-19”, Vise Prezidente PN ne’e iha semináriu panorama orsamentu ba tinan 2021, ne’ebé hala’o iha Hotel Novo Turismo, Kuarta (04/11/2020).

Maria Angelina hateten, saída mak Timor-Leste tau iha ninia medida prinsipál sira ba OJE 2021 atu bele kontribui rekuperasaun ekonómika depois de Timor-Leste hasoru resesu ekonómiku, impase polítiku no impaktu husi COVID 19 ne’ebé afeta husi mundu, tanba tinan 2021 sai nu’udár tinan ida ne’ebé Timor-Leste rekupera hikas fali ekonomia nasaun, liu husi inisiativa inovativa sira ne’ebé Governu introduz, liu husi kategoria orsamentu bens servisu no transferénsia públika no kapital dezenvolvimentu.

“Setór tolu (3) ne’e mak sai prioridade ba Governu atu kontribui ba planu rekuperasaun ekonómika, iha mós inisiativa planu rekuperasaun ekonómika, PN aprova mós fundu ida, hamutuk iha fundu COVID nian, atu fó biban ba Governu bele estimula ita-nia ekonomia iha rai-laran, liu hUsi meiu formál no informál sira no parseria ho sosiedade sivíl no empreza sira, atu nune’e bele kontribui ba ita nia ekonomia iha ita-nia rain”, afirma Vise Prezidente PN ne’e.

Alénde ne’e, Ministra Finansas (MF) interina, Sara Lobo Brites, hateten,  perspetiva makro-ekonómiku iha tinan 2021, taxa kresimentu pursentu 3,9 no prevé kresimentu real Produtu Internu Brutu (PIB) naun petrolíferu sei tun negativu pursentu 6 iha tinan 2020, tanba efeitu COVID-19.

Iha 2017 taxa kresimentu negativu pursentu 3,8, 2018 negativu pursentu 0,8 no negativu pursentu 6 previstu ba tinan 2020 respetivamente, exseptu 2019 ne’ebé hetan kresimentu pozitivu pursentu 1.8. Ida ne’e hatudu mai ita katak, kresimentu ekonomia iha rai-laran, iha relasaun ho ita-nia OJE, bainhira ita-nia OJE aumentu kada tinan, mak nia sei kontribui diretamente ba iha kresimentu ekonómiku ne’e. Bainhira ita-nia OJE reduzidu iha tinan ida nia laran, mak nia sei kontribui kedas ba kontrasaun ne’ebé mak ita haree akontese iha 2017 ho 2018. Tanba ne’e OJE ne’e importante tebes, bele hamoris mákina ne’ebé promove ita-nia kresimentu ekonómiku iha rai laran”, haktuir Governante ne’e.

Entretantu husi despeza ne’ebé Governu propoin iha Proposta OJE tinan 2021 ho montante billiaun USD 1.895.0 ne’e, kontribui reseita tokon USD 738.5 no finansiamentu billiaun USD 1.156.5. say

Lee hotu :   Osan duodésimu sei iha US$ 180 milloens "Mákina Estadu funsiona normal"

Add to Comments Here!!!!

error: Content is protected.
Secured By miniOrange
You might also like:
PNTL rejeita esplika kronolojia kazu Terra Santa

Polísia Nasionál Timor-Leste (PNTL) rejeita esplika...

Selebrasaun loron nasionál feto, PR Lú Olo kondena kazu krime iha Terra Santa

Prezidente Repúblika (PR), Fransisco Guterres ‘Lú...

Semana oin, Governu fahe kupon ba sesta bázika iha Díli

Semana oin, Governu sei fahe kupon...

Close