JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Reseita FP sei la aguenta to’o 2031 ba oin

Reseita FP sei la aguenta to’o 2031 ba oin

Prezidente Konsellu Konsultivu Fundu Petrolíferu (KKFP), Juvinal Dias, informa, tuir kálkulu KKFP nian, reseita Fundu Petrolíferu (FP) sei la aguenta to’o dékada ida tan ka tinan 2031 ba oin, tanba situasaun ekonomia ne’ebé Timor-Leste hasoru oras ne’e dau-dauk.

“Buat seluk mak ita nia modelu dezenvolvimentu ne’e dependénsia liu ba reseita petrolíferu. Agora ita iha mina-rai rasik akumula mais ou menus 30 billioens husi reseita petrolífera, profit oil, taxa petróleu royalty ho retornu investimentu petrolíferu ne’e rasik, mais ou menus 7 billioens reseita petrolíferu, tanba ne’e buat sai pontu diskusaun ohin loron mak període ida ne’e ita ultrapasa tiha ona, tanba ita haree tiha projesaun Governu nian husi 2021 to’o 2022, ita só bele rekolla de’it 209 milloens iha període ida ne’e”, Prezidente KKFP ne’e ba deputadu sira, bainhira audénsia iha Parlamentu Nasionál (PN), Segunda (16/11/2020).

Juvinal dezafia mós Governu atu iha reseita doméstika ne’ebé natón, hodi finansia orsamentu Estadu.

“Buat ida ne’ebé ita presiza konsidera liu iha tempu agora mak, ita-nia fundu petrolíferu labele aguenta tan atu finansia tan Estadu ba dékade ida tan mai, ida ne’e iha relasaun  ho nia livru orsamental ne’ebé Governu fó sai katak  défisit fiskal ne’ebé mak ita enfrenta iha dezde tinan kotuk. Ezemplu liu 1 billiaun, projesaun sira ne’ebé halo husi 2021 to’o 2025 mós mensiona katak ratarata USD 1.5 billioens, infelizmente défisit ne’e akontese, tanba kapasidade Governu atu hasa’e nia rendimentu doméstiku ne’e bele dehan estarnadu, mais ou menus iha nível USD 200 milloens entre  2021 to’o 2025. Ita haree katak ita-nia despeza orsamental mós maka’as teb-tebes, bele dehan katak ratarata ne’e USD 2.2 billioens entre períodu ida ne’e”, tenik Prezidente KKFP ne’e.

Nia dehan, Konsellu rasik mós koko dezenvolve modelu ekonómiku ida ne’ebé atu kálkula to’o bainhira mak fundu ne’e bele hotu, KKFP koko halo indikadór ida mak despeza orsamental 2021, mais ou menus kresimentu pursentu 4% kada tinan.

“Ezemplu sé kresimentu nafatin 4%, ita nia rendimentu mina-rai mais ou menus  nominal 4%, retornu investimentu mós hanesan, fundu petrolíferu bele to’o iha 2031, karik ita muda senáriu uitoan ho nível despeza hanesan, maibé poténsia mais ou menus 1 billiaun depois de ida ne’e, fundu petrolíferu mós bele hetan mais ou menus 8 billioens, maibé labele finansia Orsamentu Jerál Estadu (OJE) to’o 2037, fenomena ida ne’e problema uitoan”, afirma nia.

Maske nune’e, espera katak kálkula ida ne’e labele loos, maibé sé senáriu ida ne’e mak loos duni, presiza polítika públiku ida ne’ebé radikal uitoan atu bele ajuda katak fundu bele finansia ekonomia Timor-Leste ba tempu naruk.

Tuir relatóriu trimenstrál, Banco Central de Timor-Leste (BCTL) ne’ebé fó sai iha fulan Setembru, tinan ne’e, hatudu reseita FP USD 18,47 billiaun. Say

Lee hotu :   CCI-TL REKOMENDA HILI EMA MATENEK BA GOVERNASAUN FOUN

Add to Comments Here!!!!

error: Content is protected.
Secured By miniOrange
You might also like:
Polémika BFA la transfere osan mai, KHUNTO husu BCTL klarifika ba públiku

Xefe bankada KHUNTO, Olinda Guterres, husu...

Mane ida tenta sunu sede suku Comoro

Polísia Nasionál Timor-Leste (PNTL), Eskuadra Dom...

Governu ezekuta ona fundu COVID-19 pursentu 38

Vise Ministra Finansas (MF), Sara Lobo...

Close