JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana agradese apoiu husi madre-estudante Canossa ba komunidade Remexio

Xanana agradese apoiu husi madre-estudante Canossa ba komunidade Remexio

Líder karismátiku Kay Rala Xanana Gusmão, agradese ba asaun ne’ebé Madre kongregasaun Canossiana no estudante Eskola Sekundária Santa Madalena Canossa, Has Laran-Díli halo, tanba fó apoiu ai-han ba populasaun kbi’it-la’ek sira iha postu administrativu Remexio, munisípiu Aileu.

“Ha’u kontente ho sira nia kostume ne’ebé halo kada tinan, agora iha Aileu, tinan oin ba fatin seluk no inisitiava ne’e husi estudante terseiru anu, kapas tebes, tanba halo joven sira koñese malu, harí amizade, koloka malu no fahe esperiénsia”, Líder karismátiku ne’e liu husi nia diskursu iha atividade asaun karidade ne’ebé hala’o husi Eskola Sekundária Katólika Santa Madalena Canossa iha postu administrativu Remexio, munisípiu Aileu, Sábadu (07-08-2020).

Xanana heteten, asaun ne’e ba komunidade Remexio importante tebes, hodi hatudu sira-nia solidariedade no domin ba malu.

Pároku Igreja Remexio, Giovanni Melo de Sousa agradese ba estudante no madre sira, liu husi interkámbiu fó apoiu mós ba populasaun sira no fahe esperiénsia ba malu ho estudante Eskola Sekundáriu São José Operário Remexio.

“Lori sarani tomak agradese ba maun Kay Rala Xanana Gusmão hodi mai no halibur fatin ne’e atu fahe domin no fraternidade ho ita hotu, agradese boot ba família Canossiana ho planu no programa durante loron 5 no kalan 4, bele anima no motiva ami-nia oan sira ho edukasuan no matenek ne’ebé eskola rua ne’e simu no ikus bele fahe esperiénsia ba malu”, dehan Padre Giovanni.

Apoiu ne’e mai husi estudante na’in 314 ne’ebé tau osan hodi sosa foos, mina no supermi, hodi fó apoiu ba komunidade, nu’udár sinál domin no agradesimentu ba sira-nia programa interkámbiu durante loron 4, hahú husi loron 4 to’o loron 8, fulan ne’e.

Benefisiáriu na’in 40 ne’ebé hetan apoiu ne’e mai husi suku Asumau, kompostu husi bairu 7, hanesan Lerolisa, Fatuklo’ot, Tursailefan, Lkmailulu, Aikoremanisi Ulun no Karahili. ida

Lee hotu :   PDHJ sujere JMMD dezeña karosa ba vendedor sira

Add to Comments Here!!!!

error: Content is protected.
Secured By miniOrange
You might also like:
Surtu COVID-19 lori Xanana hakbesik povu

Líder karismátiku, Kay Rala Xanana Gusmão,...

Atribuisaun sesta bázika hanesan solidariedade husi Governu sentral

Atribuisaun sesta bázika ba populasaun iha...

Xanana Gusmão kontinua apela sidadaun sira evita movimentu iha fronteira

Líder Karismátiku, Kay Rala Xanana Gusmão,...

Close