Ekonomista: Governu distribui sesta bázika la tuir promesa

Ekonomista João Mariano  Saldanha,  hateten, programa sesta bázika  ne’ebé halo  distribuisaun  ba komunidade sira la tuir  promesa  hosi Governu atuál, tanba kada ema ida hetan USD 25,  maibé realidade la to’o.

João esplika, ezekusaun  sesta  bázika  sei sai problema tanba seidauk ba los nia objetivu, ho  nune’e  Governu presiza hadia buat balun tan ba programa sesta bázika ne’e, tanba Governu injeta osan  tokon  USD 71 kedas.

“Problema  mak  osan sira ne’e sirkula  iha ita-nia rai laran ou lae. Governu  apoiu  uluk  subsidiu USD 200 kada uma kain,  tanba osan sira ne’e tuir ita bai bain  ita  ba  sosa fali HP, sosa sasán ne’ebé importadu iha possibilidade osan la sirkula iha ita-nia rai laran. Ida ne’e la ajuda ita-nia ekonomia”,hateten João Mariano Saldanha ba GMN iha Bekora foin lalais ne’e.

Tuir João,  programa  sesta  bázika  fo  deit sasán la    tuir tabela ne’ebé  iha,  maibé  durante ne’e komunidade sira komplain  tanba nia presu la to’o USD 25 ida ne’e  nia ezekusaun mak la los presija atu hadia mak  ida ne’e.

Antes ne’e, deputadu sira iha Parlamentu Nasional mos kritika Governu  ne’ebe halo distribuisaun sesta  bázika ba kada ema iha munisipiu sira la’ós Díli la  to’o  USD 25, no iha Díli USD 50 maibe la to’o, nune’e halo benefisiáriu  sira  la kontente  hodi  sunu sasán sesta bázika hanesan  akontese  iha munisípiu  Viqueque. ety