Governu kria programa sesta bázika atu tulun povu

Sekretáriu Jerál partidu FRETILIN, Marí Alkatiri, hateten, Governu kria programa sesta bázika ne’e atu tulun povu, hodi sustenta nesesidade loro-loron nian.

Koordenadór Jerál ba Plataforma Intendimentu Koligasaun entre partidu FRETILIN, PLP no KHUNTO, Marí Alkatiri hato’o nia dezeju ne’e, hafoin keixa ba Ministériu Públiku (MP), hasoru Rogério Tiago Lobato, Abílio de Araújo, José Luís Guterres ‘LuGu’ no mós Abílio Araújo nia kaben Guilhermina Lobo de Araújo, kona-bá difamasaun skylight.

Marí Alkatiri garante, atribuisaun pakote sesta bázika sei rekupera povu nia nesesidade báziku durante festeza Natal no Tinan Foun.

“Implementasaun sei di’ak no rezultadu ba povu nia vida mós sei di’ak no haree ona ema balun tama infiltradu sira iha programa sesta bázika mais povu kontente. Objetivu la’ós de’it halo kontente polítiku sira, maibé mós halo kontente povu, atu povu mais ou menus iha tempu festa Natal no fim do anu ne’e la hamlaha ida”, Sekretáriu Jerál partidu FRETILIN ne’e ba jornalista sira iha edifísiu Prokuradória Jerál Repúblika, Colmera Díli, Sesta (18/12/2020).

Maibé antes ne’e atribuisaun pakote sesta bázika mosu iregularidade balun hanesan, sasán balun aat no lahuk ona, balun montante osan la tuir lista presu ne’ebé ministériu kompetente prepara, inklui sunu sasán sesta bázika iha munisípiu Viqueque.

Enkuantu osan ne’ebé Governu aprova ba programa rekuperasaun ekonómika ho montante tokon USD 113,4 no husi montante ne’e Governu aloka ba programa sesta bázika hamutuk tokon  USD 71. san