GMN TV Economia MTCI gasta tokon USD 10 distribui sesta bázika iha Metinaro-Atauro

MTCI gasta tokon USD 10 distribui sesta bázika iha Metinaro-Atauro

Vise Ministru Turismo Comércio e Industria (MTCI), Domingos Lopes Antunes, informa, atribuisaun sesta bázika iha kapitál Díli ne’ebé Governu realiza iha postu administrativu Metinaro no dau-daun ne’e hala’o iha postu Atauro gasta ona orsamentu ho montante besik tokon USD 10 resin.

Alende ba kapitál Díli MTCI mós responsabiliza ba munisípiu Ermera, nune’e aloka ona orsamentu ho montante besik USD tokon 13 no sei lansa programa sesta bázika iha semana ne’e.

“Iha Díli inkluindu postu administrativu Atauro no postu administrativu Metinaro ami konta besik 17 milhões, tanba ema ida hetan 50 dollar 300 e tall sidadaun besik 17 milhões, Ermera besik 13 milhões, tanba ne’e mós populasaun barak liu”, Vise MTCI ne’e ba GMN iha Atauro, Domingo (13/12/2020).

Domingos akresenta, MTCI la’ós responsabiliza de’it munisípiu Díli no Ermera, maibé MTCI responsabiliza mós ba suku hirak ne’ebé iha munisípiu besik vila.

Atribuisaun sesta bázika ho pakote rekuperasaun ekonómika ne’e Governu konstitusionál daualu implementa relasiona ho surtu COVID-19 ne’ebé da’et mai Timor-Leste, hodi afeta ekonomia doméstika.

Benefisiáriu Atauro besik rihun 4 simu ona direitu

Administradór postu administrativu Atauro, munisípiu Díli, Mateus Belo, informa, programa sesta bázika ne’ebé dau-daun ne’e Governu distribui iha postu refere, benefisiáriu hamutuk 4000 mak simu ona sira-nia direitu.

Dau-daun ne’e ekipa MTCI fahe ona sasán bázika ba komunidade iha suku rua hanesan suku Maquili, Vila Maumeta no suku tolu ne’ebé seidauk fahe mak Beloi, Biqueli no Makadade, maibé suku hirak ne’e Governu sei realiza iha semana ne’e, tanba Governu prepara ona sasán hodi distribui.

“Iha suku Maquili por volta iha benefisiáriu 2000 resin ho suku Vila Maumeta 1000 resin, ita bele dehan kuaze 4000 ona mak ita halo distribuisaun, hela uitoan de’it mak ba suku tolu por volta iha 7000 resin, ita presiza loron hira tan bele halo distribuisaun remata ba total populasaun iha Atauro 11,700 (rihun sanulu resin ida atus hitu resin). Distribuisaun sesta bázika iha postu Atauro laiha problema, tanba komunidade iha postu refere kolabora di’ak ho parte autoridade lokál no ekipa tékniku husi MTCI”, Administradór postu Atauro, munisípiu Díli ne’e ba jornalista sira ba GMN iha Atauro, Domingo (13/12/2020).

Xefe Koordenasaun Empreza Lisun, Pascoal Suri Mali, hateten, sira hetan kontratu no konfiansa husi Governu, hodi oferese sasán bázika iha postu Atauro.

“Kontratu ami halo ona, kontratu orsamentu ami simu ne’e kada ami hatene de’it kada pesoál ou kada ema ida iha 50 dollar, ne’e kada ema ida, entaun kada ema ida iha fatin ida ami hetan ho populasaun hira, husi ne’ebá ita bele hatene montante orsamentu ne’ebé iha 50 dollar kada pakote populasaun ida hetan 50 dollar ba fulan rua ninian, ne’e mai husi despeza Governu. Ami-nia empreza garante ai-han hirak ne’ebé dau-daun ne’e rai iha armajen sufisiente atu ajuda Governu iha atribuisaun sesta bázika”, tenik Xefe Koordenasaun Empreza Lisun ne’e.

Loja hirak ne’ebé hetan kontratu husi Governu hodi distribui sasán bázika iha Atauro mak hanesan Lisun, W-Four no Díli Mart. ina


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker