JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJE 2021 sei tulun setór privadu kria empregu dignu ba Timor-oan

OJE 2021 sei tulun setór privadu kria empregu dignu ba Timor-oan

Primeiru Ministru (PM), Taur Matan Ruak, informa, Orsamentu Jerál Estadu (OJE) tinan 2021 sei finansia área infraestrutura no tulun setór privadu sira kria empregu signifikativu no dignu ba Timor-oan.

“tulun setór privadu atu kria empregu signifikativu no dignu, ita sei promove liu tan setór xave balun hanesan esportasaun kafé ho kualidade aas, prosesamentu produtu agríkola sira, peska, turizmu no konstrusaun, ho investimentu hirak ne’e ita promove komérsiu no investimentu diretu rai-li’ur nian, ita sei hadi’a signifikativamente ita-nia klima negósiu nian”, Xefe Governu ne’e iha Parlamentu Nasionál (PN), Segunda (30/11/2020).

Taur hatutan, injerál OJE 2021 sei finansia impulsu ida iha infraestrutura sira ne’ebé permite dezenvolvimentu umanu no kresimentu sustentável setór privadu nian, transformasaun estruturál ekonomia la’ós mina-rai no diversifikasaun baze esportasaun nian ne’ebé bele koloka Timor-Leste iha dalan ba kresimentu ne’ebé forte liu, inkluzivu liu no kresimentu ne’ebé reziliente.

“Orsamentu ida ne’e buka mós atu taka lakuna sira ne’ebé bele haburas setór agrikultura, saúde, edukasaun, turizmu, petróleu, produsaun no halo investimentu atu haluan protesaun sosiál no mós hadi’a perspetiva edukasionál sira no rezultadu saúde husi jerasaun dau-daun ne’e nian. Hein katak efeitu prazu naruk nian tenke pozitivu, tanba ita sai dau-daun husi pontu baixu potensiál produsaun nian husi ita-nia ekonomia, investe ita-nia rikusoin mina-rai iha ita-nia povu, liu-liu iha ita-nia foinsa’e sira”, Líder Ezekutivu ne’e.

Nia subliña, atu halo rekuperasaun no kresimentu sai justu no ekuitativu, Governu sei mobiliza rekursu finanseiru ne’ebé presiza atu mantein,  sistema protesaun sosiál Timor-Leste nian bainhira Timor-Leste sai ona husi krize.

“Futuru husi ita-nia ekonomia no ita-nia dezenvolvimentu horik iha ita-nia povu nia koñesimentu no kompeténsia, ita mós sei garante katak ita-nia sidadaun sira sei iha kompeténsia nesesária atu okupa kargu tékniku no profisionál iha país laran tomak”, PM, Taur. cin

Lee hotu :   Telkomsel sei instala fiber optic iha Díli no Oe-Cusse

Add to Comments Here!!!!

error: Content is protected.
Secured By miniOrange
You might also like:
Konfrontu iha Camea, rezulta mane ida hetan ta’a

Konfrontu entre komunidade iha aldeia Has-Laran,...

PN identifika artigu balun inkonstitusionál iha proposta OJE 2021

Deputadu opozisaun Partidu Demokrátiku (PD) iha...

Deskonfia iha relasaun kazu internét ilegál, TDD aplika TIR ba prezidente ANC

Tribunál Distrtál Díli liu husi desizaun...

Close