JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: OJE 2021 sei fó kbi’it ba rekuperasaun ekonomia

PM Taur: OJE 2021 sei fó kbi’it ba rekuperasaun ekonomia

Primeiru Ministru (PM), Taur Matan Ruak, hateten, ho aprovasaun Orsamentu Jerál Estadu (OJE) tinan 2021, sei fó kbi’it ba rekuperasaun ekonomia iha rai-laran.

“Iha tinan rua resin VIII Governu halo orsamentu 6 ho aprova OJE ne’e, ha’u fiar katak nia ajuda taka síkulu ida no ajuda loke síkulu foun Governu, mandatu ida halo mandatu orsamentu 5 de’it, ami metade mandatu halo orsamentu 6 ona. Ha’u kontente ho aprovasaun OJE 2021 bele loke síkulu foun ida, síkulu ida normaliza fali ita-nia fitur orsamentu tinan-tinan no fó kbi’it ba ita para bele rekupera ita-nia ekonomia hafoin efeitu COVID-19 akontese ne’ebé afeta maka’as loos ita-nia ekonomia no mós konsekuénsia husi orsamentu duadesimál ne’ebé ita hala’o iha tinan hira nia-laran“, Xefe Governu ne’e hafoin aprova OJE 2021 iha PN, Sábadu (12-12-2020).

Ho nune’e, PM Taur lori Oitavu Governu konstituisionál nia naran agradese ba PN, tanba ho pasiénsia ho dedikasaun tomak apoiu aprova OJE 2021 no Governu rejista preokupasaun hotu durante deputadu sira hato’o iha debate OJE 2021.

“Ami promete buat ne’ebé presiza atu hadi’a, ami espera bele hariku fali OJE tinan 2022 lori mai iha ne’e, tempu ba tempu ita aprende ho ita-nia esperiénsia ho dezafiu sira ne’ebé iha no mellora nafatin para hadi’a ita-nia ekonomia, nune’e bele garante sustentabilidade rekursu finanseiru. Governu sei halo esforsu hotu para bele implementa orsamentu ho di’ak hodi atinji objetivu ne’ebé ita hotu hakarak rekuperasaun ekonómika, emprega sidadaun sira no mós ajuda setór privadu, hodi bele iha kbi’it atu ajuda Governu sustenta ita-nia dezenvolvimentu”, tenik Xefe Governu ne’e.

Entretantu PN aprova OJE tinan 2021 billiaun USD 1.895, ho votus a favor 44, kontra 0 no abstensaun 0. ety

Lee hotu :   BNCTL lansa fatuk dahuluk ba edifísiu foun

Add to Comments Here!!!!

error: Content is protected.
Secured By miniOrange
You might also like:
Estadu sei halo rate espesiál ba veteranu sira iha postu administrativu 65

Sekretáriu Estadu Kombatente Libertasaun Nasionál (SEKLN),...

CNRT: Ró Haksolok sei la mai TL, tanba Atlantic Eagle bankarrota ona

Bankada CNRT konsidera Ró Haksolok sei...

Impaktu husi haree liu pornografia, Liquiça rejista kazu VS 109

FOTO: GOOGLE Primeiru Sarjentu Xefe Unidade...

Close