Governu deside uza sasán importadu ba sesta bázika

Ministru Koordenadór Asuntu Ekonómiku (MKAE), Joaquim Amaral, rekoñese produtu lokál hakdasak ona iha distribuisaun sesta bázika.

Tanba ne’e, Governu tenke deside reforsa sasán importasaun hanesan foos no mós sasán sira seluk ne’ebé sirkula ona iha merkadu ba programa nasionál sesta bázika, maske antes ne’e Governu laiha tarjetu hodi deklara fó prioridade de’it ba produsaun lokál.

“Atu absorve másimu produtu lokál ne’ebé iha produtu ne’ebé kuda iha ita-nia rai, maibé ho tempu la’o na realidade katak produtu sira ne’e kuaze menus, menus to’o baze, ita buka atu halibur ne’e la’ós fásil ona, tanba ne’e programa universál hotu-hotu tenke hetan”, MAKE ne’e hodi hatán ba GMN hafoin remata reuniaun Konsellu Ministru (KM) iha Palásiu Governu, Kuarta (03/02/2021).

Antes ne’e, Ministério Turismo Comérçio e Indústria (MTCI) enkontru ona ho empreza distribuidór sira no hasa’i ona sirkulár hodi autoriza kompañia reforsa foos importasaun iha programa Governu.

Tuir ajenda programa nasionál distribuisaun sesta bázika, Oitavu Governu Konstitusionál tenke finaliza iha fulan Marsu, tinan ne’e, tuir dekretu Governu númeru 48/2020. ina