JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lisun ameasa hapara distribuisaun sesta bázika

Lisun ameasa hapara distribuisaun sesta bázika

Jestór empreza Lisun, Pascoal Suri Mali, hateten, sira sei hapara atribuisaun sesta bázika ba komunidade iha suku Comoro no Bairro Pite, bainhira Governu la halo pagamentu ba sira iha semana ne’e nia laran.

Razaun sei hapara, tanba kompañia gasta ona osan ho montante tokon USD 4 resin, maibé Governu liu husi Ministériu Turizmu Komérsiu no Indústria (MTCI-Sigla Português) ladauk halo pagamentu, hodi rezulta kompañia Lisun tenke deve mós produtór sira ne’ebé hatama produtu lokál ba kompañia.

“Buat hotu ha’u labele halo bainhira ha’u seidauk selu agrikultór sira, klaru ha’u la hetan sasán, sé ha’u la hetan sasán saída mak ha’u atu oferese ba povu, entaun fó ho lian ida katak ha’u la hetan sasán ha’u la fó, tanba ne’e mak ha’u hatete katak, sé ha’u la hetan entaun ha’u tenke taka lai, maibé ita hatete katak, sé laiha tama pasti laiha sai, sé laiha sai signifika ita taka”, Jestór Empreza Lisun ne’e ba GMN iha ninia kna’ar fatin Comoro, Segunda (15/02/2021).

Tuir informasaun ne’ebé Jestór Lisun simu, Governu liu husi ministériu implementadór promete sei halo pagamentu ba empreza iha semana ne’e.

“Promote iha semana ne’e nia laran sira sei halo sira-nia obrigasaun selu ami nia dívida sira ne’e, informasaun ne’ebé que ami hetan husi Governu”, informa Pascoal.

Ho situasaun ne’e, iha kompañia haat mak kontaktu ona ho empreza Lisun hodi ajuda, tanba empreza hirak ne’e laiha ona osan hodi sosa sasán, distribui ba komunidade iha kapitál Díli.

Kompañia haat ne’ebé husu ajuda Lisun, empreza gasta ona osan ho montante tokon USD resin ba kompañia rua no rua seluk seidauk serteza, tanba Governu seidauk halo pagamentu.

Tuir dadus ne’ebé GMN asesa, Governu foin halo de’it pagamentu ba Empreza Lisun ho montante USD 600 resin. 

Kompañia Lisun deve produtór sira

Kompañia Lisun deve produtór Programa Nasionál Sesta Bázika ho pakote rekuperasaun ekonómika, tanba Governu seidauk selu empreza.

Produtora Sesta Bázika husi munisípiu Ermera, Lízia Clementina da Costa, hateten, kompañia to’o oras ne’e seidauk halo pagamentu ba sira nu’udár agrikultór nune’e fó impaktu ba sira, tanba iha situasaun difísil ne’e susar ba sira sustenta nesesidade família.

Tuir dadus ne’ebé GMN asesa Lisun seidauk halo pagamentu ba sasan ne’ebé hatama husi produtór sira hamutuk rihun USD 8 resin.

“Ami mós mai husu mana no maun sira iha líder, tanba sá mak osan ne’e la mai la-lais, sira hatete atraza iha Governu, ami mós hakarak la-lais para fó osan mai ami hodi sustenta ami nia uma laran ami mai hatama iha ne’e, lakeru okir, hanesan lakeru nurak, pipinu hanesan modo oi-oin sira ne’ebé sesta bázika presiza, impaktu loos mai ami, tanba atu sustenta uma laran la to’o”, haktuir Lízia.

Hatán ba preokupasaun ne’e, Jestór Lisun, Pascoal Suri Mali, esplika, ho pagamentu ne’ebé kompañia ladauk realiza, tanba Governu selu empreza atraza.

“Sasán hotu-hotu ami cash, atu sasán importasaun mós ami tenke cash, atu sasán ita-nia iha rai laran mós ami tenke cash, iha tempu ikus-ikus ne’e ita atraza selu ba ita-nia agrikultór, tanba saída pagamentu ne’e ami atraza, ami tenke muda sistema ne’e tanba ho orsamentu Governu nia halo ne’e mak ami mós muda uitoan, sim jadi sambung menyambung husi Governu mai ami, ami ba liu, tanba prosesu sesta bázika ne’e atu hamoris ekonomia atu hadia ekonomia”, haktuir Jestór Lisun ne’e.

Antes ne’e, Ministériu Finansa (MF) hasai ona sirkulár ida hodi ko’a osan husi kada ministériu ho porsentu 7, hodi apoiu Programa Sesta Bázika.

Entretantu dau-dauk ne’e Governu rasik seidauk halo levantamentu Fundu Petrolíferu husi Banco Central de Timor-Leste, maske Ministru Finansa, Rui Gomes deklara, prosesu levantamentu sei hahú iha fulan Fevereiru ne’e. ina

 

Lee hotu :   Durante EE DJE la rejista sasán folin sa’e iha merkadu

Add to Comments Here!!!!

error: Content is protected.
Secured By miniOrange
You might also like:
Governu bandu ema tama-sai Bobonaro no Covalima

Konsellu Ministru (KM) estraordináriu iha Segunda...

Heineken hapara traballadór Timor-oan, uza fali estranjeiru

Reprezentante povu iha uma fukun Parlamentu...

AMMO luta kontra status quo iha FRETILIN

Asosiasaun Movimentu Maubere Oan (AMMO) sei...

Close