JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sistema Asycuda World sei hadia atividade negósiu TL

Sistema Asycuda World sei hadia atividade negósiu TL

Ministru Koordenadór Asuntu Ekonómiku (MKAE), Joaquim Amaral, apresia ho lansamentu ba Janela Únika Sistema Asycuda (Automated Systems for Customs Data) World ne’ebé realiza husi Trade Invest no Alfándega nu’udár sistema ida, hodi hadia ambiente atividade negósiu iha Timor-Leste (TL).

“Iha momentu sira hanesan ne’e Estadu presiza parseria di’ak liu tan, entaun ambiente negósiu tenke hadia, hadia ida ne’e hola parte iha reforma finansa, ida ne’e mak parte importante, odamatan boot mak hadia ita-nia sistema rejistrasaun ne’e mak janela ida ka janela úniku, ou mós plataforma ida ne’ebé TL hetan ajuda husi Nasoens Unidas liu husi Unctad hadia sistema ambiente negósiu iha TL, atu nune’e fasilita prosesu rejistrasaun merkadoria ne’ebé tama sai Alfándega, husi ajensia ne’ebé promove ita-nia ambiente negósiu”, MKAE ne’e iha lansamentu Janela Únika ba Sistema Asycuda World iha Ministériu Finansa (MF), Segunda (01/02/2021).

Joaquim realsa, hanesan Ministru sente kontente tanba pelumenus hahú husi Trade Invest hanesan ajénsia ne’ebé promove esportasaun ho investimentu, hahú simplifika dijitaliza nia sistema atu integra iha sistema mundiál.

Iha fatin hanesan, Ministru Finansa, Rui Gomes, hateten, Asycuda ne’e nia abreviatura husi Automated Systems for Customs Data, ida ne’e sistema ida komputadorizadu ne’ebé Organizasoens Nasoens Unidas (ONU) ba konferénsia on Trade Of Development sira mak harii sistema ida ne’e katak, nasaun sira presiza moderniza sira nia sistema, Alfandejáriu atu bele fasilita efisiénsia iha komérsiu no mós proteje kompetitividade komersiante sira liu husi redus kustu tranzasaun tempu no kustu seluk.

Alende ne’e mós nia dehan, kontrola kargu sira tama-sai, ajuda mós hasoru korupsaun, redus surat-tahan, tanba dau-daun ne’e ho sistema ida ne’e hotu-hotu uza sistema eletróniku, tulun ida ne’e di’ak para nasaun sira mós bele iha kapasidade atu halo sira-nia projesaun planeamentu, tanba sira hatene loloos orsamentu hira no reseita hira mak sei tama husi Alfándega, tanba ida ne’e importante tebes.

Agora dau-daun nasaun 90 resin iha mundu mak utiliza sistema ida ne’e Single Window ka Janela Ida Deit ka Janela Únika, ne’e fasilidade eletrónika ida komersiante sira bele utiliza atu hatama sira-nia dokumentu eletrónikamente, nune’e sira bele hetan informasaun tomak kona-bá komérsiu esportasaun no importasaun relasiona ho ajensia reguladora sira seluk ho maneira ida simples la-lais no efisiente. Ho lansamentu Single Window ida ne’e TL fó pasu importante ida tan iha ámbitu polítika reforma fiskál no jestaun finansa públika ne’ebé hahú kedan iha Sestu Governu Konstitusionál”, fundamenta Governante ne’e.

Diretór Jeral Álfandega, José António Fátima Abilio, akresenta, sistema Asycuda World ne’e di’ak teb-tebes, tanba rekorde ne’ebé mak sistema Asycuda kaptura iha iha 2020, 20.91 dias, iha diferensa kuaze metade husi ne’eba. Ida ne’e hakarak hatudu ba ajénsia relevante sira tenke hola parte, tenke implementa Asycuda, nune’e bele aselera mós prosesu dezalfandejamentu, tanba prosesu dezlafandejamentu la’ós kabe ba kompeténsia Alfándega nian de’it, maibé iha interligasaun ho instituisaun relevante sira.

“Atualmente implementa Asycuda World, Trade Invest mak sai Ajénsia Estadu ne’ebé mak halo komitmemtu liu husi asina protokolu iha tinan kotuk no ohin tama ba implementasaun Janela Únika Nasionál Aycuda World, espera katak, ida ne’e bele motiva mós instituisaun Estadu sira seluk bele kompete mós iha sistema Asycuda World ne’ebé mak autoridade Aduaneira hala’o”, tenik José. oly

Lee hotu :   Timor-Leste kontinua depende sasan importasaun

Add to Comments Here!!!!

error: Content is protected.
Secured By miniOrange
You might also like:
Korea seidauk simu traballadór Timor-Leste

Embaixadór Korea du Súl ba Timor-Leste...

Empreza R2M IT Solution keixa Vise MI ba PCIC

Empreza R2M IT Solution hato'o ona...

MS konsidera dansa iha kuarentena RAEOA laiha morál

Ministériu Saúde (MS) konsidera Timor-oan sira...

Close