JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Parpol komunga paz no estabilidae

Parpol komunga paz no estabilidae

Komprimisu Partidu Polítiku (ParPol) sira ne’ebe sei kompete iha Eleisaun Antesipada (EA) iha loron 12 fulan Maiu tinan 2018 ne’e komunga ona paz no estabilidade iha EA, tanba ne’e importante teb-tebes parpol sira hotu kumpri Assina Paktu Unidade Nasionál (PUN) ne’ebe halo ona ho Komisaun Nasionál ba Eleisoens atu EA bele la’o diak ho susesu.

EA nu’udar istoria ba Timor-Leste, tanba foin primeira-ves akontese iha TL, hafoin TL ukun rasik an tinan 15. Partidu ne’ebe sei kompete iha EA mak hanesan, FRETILIN, Partidu Demokrátiku, Partidu Republikanu, PEP, no koligasaun AMP, MDN, MSD no FDD.

Espera katak ho Assina paktu unidade nasional ne’e parpol ida-idak bele eduka nia militantes atu garante paz no estabilidade nasionál durante prosesu kampaña eleitoral to’o EA no fo sai rezultadu EA nian parpol no ema hotu bele simu rezultadu eleisaun ne’ebe refere.

Paktu unidade nasional ne’e hafasil tebes ba CNE atu foti medidas ba Parpol no koligasaun partidaria bainhira halo perturbasaun ruma iha kampaña eleitoral ka eleisaun nian, tanba parpol sira rasik la aseita atu iha akontesimentu.

Tanba ne’e Prezidente da Repúblika, Francisco Guterres Lú Olo, husu líder partidu poítiku hotu atu promove demokrasia ho paz no estabilidade, hodi fo sai ba mundu, Timor-Leste mós bele halo eleisaun livre, pasífiku no justu.

“Ita-nia povu konkista ona demokrasia ida ho kualidade, susesu ida ne’e mai hosi ita ida-idak, familia, grupu komunitariu, parpol no instituisaun hotu nu’udar povu Timor-Leste, ha’u admira no apresia teb-tebes maturidade polítika ida ne’ebé ita nia povu hatudu iha fulan hirak liuba, ha’u fiar katak eleitor sira hotu hatene momos ona saida mka demokrasia no tanbasa mak tenke vota fila-fali, no fiar katak eleitor sira ida-idak sei hili tuir nia hakarak rasik no sei hili ho fiar metin ba partidu ka koligasaun ne’ebé sei ukun di’ak liu tinan lima tuir mai,” deklara PR Lú Olo.

Lee hotu :   PTR no PJR entre meritus no loyalidade

Atu garante paz no estabilidade iha Timor-Leste, la’os depende ba Xefi Estadu de’it, maibe sidadaun hotu, liu-liu ba sira ne’ebé hakarak tanen no lidera povu atu serve di’akliu Timor-Leste no timor-oan hotu.

Atu garante paz la’os ba lideransa de’it, maibe parpol no sidadaun hotu iha dever atu garante paz no estabilidade, tanba laiha paz mak sei laiha dezenvolvimentu. Espera katak povu tomak kontribui ba paz no estabilidade. Ita Hein !!!

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV, Edisaun 24 Marsu 2018

Sub-vensaun ba kandidatus PR 2017, MPF husu CNE hatama rezultadu votus

Ministério Planu Financas (MPF) husu Comissão...

Moras 3 domina iha HR RAEOA

Hospital Referal (RR) Rejiaun Administratrivu Especial...

Close