MEMBRU OPS TUIR FORMASAUN NOP

Membru Ofisial Polísia Suku (OPS), husi  teritóriu nasional partisipa formasaun kona-ba Norma Operasaun Prosedimentu (NOP),  ne’ebé liga ba aktividade komunitária.

Iha formasaun  OPS nian marka mós prezensa  husi Segundu Komandante Polísia Nasionál Timor-Leste (PNTL) husi Munísipiu no Xefi Operasaun no mós Komandante unidade sira balun. Formasaun refere  hala´o durante loron 12  ne´ebé hahú husi Segunda (07/08/2017), iha Tower Dili. Abertura ba formasaun ne’e husi Komandante Operasaun PNTL,  Superintendente Xefi, Henrique da Costa. Formador  ne´ebé mak sei fahe informasaun  no matéria ba OPS durante loron 12 ne’e mai husi Departementu Polísia Komunitária, The Asia Foundation, Sentru Formasaun Polísia, ne´ebé mak sei esplika kona-ba Norma Organizasaun  Prosedimentu (NOP), implementasaun  Polísiamentu Komunitária, Konsellu Seguransa Munísipiu, Konsellu Polisíamentu Komunitária. “Ho kursu  ne´ebé mak fó ba sira, ita espera depois sira fila  ba Munísipiu sira bele estabelese Konselhu Polísia Komunitária iha Suku ida-idak nune´e haforsa servisu Komunitária nian iha nivel Suku,”Komandante Operasaun PNTL,  Superentendente Xefi, Henrique da Costa, ba jornalista sira iha Tower Fatuhada Díli.avi