Dom Basilio: Moral ba foinsa’e sira agora mihis

Bispu  Diosece  Baucau Dom Basílio do Nascimento hatete, menus edukasaun no mihis moral foinsa’e sira ohin loron nee fasil hetan influensia husi teknolojia.

“Ha’u hanoin foinsa’e sira ne’ebé mak  fasil  influensia  ba  mundu modern teknologia  ne’e,tamba  menus edukasaun no  mihis  moral nune’e  tenki tau buat  2 ne’e sai hanesan  kriteriu hanesan  moral ho edukasaun” hatete  Amu Bispu  Diosece  de Baucau  Dom  Basílio do Nascimento, ba GMN  ,wanhira hatan  pergunta  jornalista  GMN nian kona-bá  moralidade joven sira ohin loron nian.

Tuir  Dom Basílio  nia  haree  katak, buat  modern ho  teknologia  ne’e lá sala ,maibé  buat diak ,ema mak  utiliza  sala  ba buat at.

“Buat sira  teknologia ne’e lá sala, maibé  teknologia  ne’e  buat diak  ,ita mak  tenki eduka ita nia an  ba  utilizasaun  teknologia ba buat diak  no buat at”Dom Basílio  informa.

Lider maximu Diocese Baucau nee dehan,  “kona-bá  moral  ne’e lá muda, tamba  maromak  ho  santa  kreda nia ukun fuan  dutrina  ne’e iha nafatin atu  hatete no hanorin katak, baliza mak ne’e”.

Bispo nee mos hatutan tan ema  barak  dehan buat sira ne’e mosu, tamba  igreja mak  la hanorin ,igreja  nia hanorin ne’e Jesus Kristu nia lia fuan ne’e la lakon ,maibé  ema  mak  haluha  lia fuan maromak nian.

Amu Bispu  husu  ba ida-idak  tenki hanoin  ,tamba  liu husi  katekeze,  sarani  katólika  sira  hahú husi simu Sakramentu  Batismu, komunga, Krisma  no Kazamentu.

“Ida-idak mak  tenki hanoin  ,tamba  liu husi katekeze  katak,  hotu-hotu  tenki sarani, komunga, krisma no kazamentu ,maibé  to’o ikus  hotu-hotu dehan fali igreja la hatete buat ida”, duvia Dom Basílio.tos