Dom. Virgílio do Carmo: Loron Corpo de Deus hafoun sarani nia konsiensia ba eukaristia

Bispu Dioseze Dili Dom. Virgílio do Carmo da Silva, hatete, selebrasaun ba loron Corpo de Deus nuúdar loron ida neébé hafoun fali sarani Katólika tomak nia konsiensia hodi rekopera fali sentidu importansia loron Eukaristia ne’e.
“Ita hatene katak misa neébé halao iha loron domingu iha, maibe iha fatin barak sarani la iha oportunidade atu tuir misa sirkunstansia oi-oin, infelismente iha fatin barak neébé ohin loron, tamba progresu no buat barak desfvia ema nia atensaun la ba tan ona misa no ida ne’e tuir amu Papa dehan katak ida ne’e pekadu,”dehan Bispu Dioseze Dili ne’e iha Largo-Lecidere, Dili, ba Sarani tomak, hafoin ho sarani sira hala’o prosesaun selebra loron Corpo de Deus husi Parokia Balide ba to’o Largo Lecidere, Kinta (1/06/2018).
Nia afirma, karik ema balun monu iha tentasaun ida ne’e, iha loron Corpo De Deus, hafoun fali konsiensia, atu rekopera fila fali sentidu importansia eukarisitia nian iha ema hotu nia moris, liu liu ba sarani Katólika sira.
“Tuir ita-nia doutrina dehan loron domingo nuudar loron pinsipal ba festa espeiritu fiar nian, no mos nu’udar loron kontenti, atu nune’e ha’u-nia relasaun ho nai jesus iha eukaristia,”dehan Bispu Dioseze Dili ne’e
Nia afirma, tuir amu Papa nia hanoin fo ba sarani sira katak, komunidade no sarani sira ne’ebé infelismente la aproveita misa iha loron domingu, no iha mos komunidade balun ne’ebé ho razaun oin oin, hahú lakon sentidu importansia eukarisitia iha ema nia moris.
“Tamba ne’e, nia ejije ita atu atu deskobre fila fali importansia eukaristia misa, iha ita ida idak nia moris,”subliña Virgílio.Oly
Add to Comments Here!!!!