Dom Vírgilio: Diocese uza osan subvensaun ba setór tolu

Bispo Díocese Dilí, Dom Vírgilio do Carmo da Silva, hatete apoiu subvensaun ne’ebe Governu fo ba Díocese Díli ho montante US$ 2.000.000, Díocese uza ba setór tolu, Edukasaun, Sosial no apoiu Jestaun Uma Kreda nian.

Bispo Diocese Díli hato’o lia hirak nee ba JNDíario, Tersa (04/09), hodi responde pergutas jornalista sira nia  konaba utilizasaun Subvensaun Publika nebe governu fo ba Diocese tolu durante nee.

” Uluk Governu fo ba Díocese no dalaruma fo direita ba Parókia sira”, dehan Bispo Díocese Dilí, Dom Vírgilio do Carmo da Silva, ba Jornalista sira iha Episkopal Bidau Lecidere Dilí.

Dom. Vírgilio do Carmo. SDB,  haktuir katak kontrato neebe Governu halo ho uma kreda, neebe hanaran konkordarta katak , kontribuisaun neebe Governu fo liu husi komferensia episkopal, depois mak episkopal aloka ba Díocese sira.

Komprimisio Governu nian ba uma Kreda katak subvensaun bo´ot atu uza ba eskola, no area sosial neebe koalia konaba Klínika, Orfonato no servisu sira seluk, inklui apoiu gestaun ba uma kreda.

“Hau seidauk bele fo imajem klaru konaba eskola neebe hari´i husi Governu, tanba hau rasik seidauk iha dadus neebe konkretu, maibe Díocese Dilí iha eskola 95 eskola”, dehan Bispo Díocese Dilí,Dom Vírgilio do Carmo da Silva.

Nunee mos, Padre Julio Crispin, Klero Diocese Baucau, fo sasin katak, husi alokasaun orsamento U$ 2.000.000 ba Díosese Baucau hari´i ona eskola provizoriiu 2, Kapela 4 ho mos paoiu asuntos sosial balun hodi aloka mos osan ba Departamento ou Komisaun sira neebe estabelese iha Díocese laran.

” Aplikasaun ba subvensaun sira nee tuir hela nia dalan normais ka akordu neebe estabelese desde tinan 2016, husi montante subvensaun ba uma kreda Katoliku Timor-Leste fahe ba kategoria sira mak hanesan 50% ba iha Edukasaun, 25% ba Camara(Governu) Eklesistika no 10 % ba jestaun admistrativa Díosece nian”, esplika Padre Julio Crispin. Fel