JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu tenki troka aviaun Sriwijaya

Governu tenki troka aviaun Sriwijaya

Pasajeiru sira husu ba Governu liu husi Ministru Transporte no Komunikasaun, José Agostinho da Silva atu foti desizaun hodi troka tiha aviaun Sriwijaya Air ne’ebé kondisaun ladiak ona, tanba sempre fo ameasa ba pasajeiru bainhira sa’e iha laran.

Kestaun ne’e pasajeiru sira fo sai relasiona ho foin lalais kompanñia Sri Wijaya  Ais husi Indonézia transporta hikas pasajeiru 109 mai Díli iha tuku 05:54 otl, iha Segunda loron 07 Fulan Janeiru ne’e ho Aviaun marka PK-CMJ.

Tuir loloos pasajeiru hirak ne’e tuun iha Meiu-dia  loron 07 fulan ne’e, maibé Aviaun Sriwijaya ho númeru SJ270  ne’ebé dezloka husi Denpasar Bali Indonézia mai Díli labele tun iha aeroportu Internasionál Nicolau Lobato Comoro Díli tanba problema ho estabilizadór ne’ebé afeita ba flaps aviaaun nian hodi labele tun  ho pista aerportu ne’ebé la to’o kilo-metru rua, enkuantu medida aeroportu Komoro iha deit kilometru ida resin.

Nune’e pilotu deside fila hikas ba Makasar kapital Selebes Súl Indonézia  hodi troka aviaun  ho marka PK-CMJ no iha loron hanesan konsege transporta hikas pasajeiru hamutuk atus ida sia mai Dili iha tuku lima (05:54) loro-kraik.

Maske trauma maibe pasajeiru hirak ne’e to’o iha Díli ho kondisaun diak. Pasajeiru sira husu Governu liu-liu ministériu transporte no  komunisaun atu fó atensaun sériu ba assuntu ne’e atu bele troka tiha.

“Timor-oan hotu-hotu fó apoiu, hamutuk hodi husi ba ita nian governu liliu ministeriu ne’ebé tutela no entidade sira relevante atu haree no fó atensaun seriu ameasas ne’e. Kuandu avião to’o tiha ne’e mak kapitaun sira dehan labele tun, ami fuan tauk laran taridu, maibe ami só reza deit, gracas a deuz ami bele to’o mai ho di’ak,” hateten Pasajeiru, Clara Pereira.

Lee hotu :   MEMBRU OPS TUIR FORMASAUN NOP

Mário Antonio Lopes mos hateten, governu no liliu miniteriu ne’ebé relevante tenke hola inisiativa seriu hodi rezolve problema refere no labele hein tanba laos foin akontese dala ida maibe akontese bebeik ona.

“Sebele karik, liliu ita ministériu transporte e telekomunikasaun tenke tau atensaun sériu ba ida ne’e, tanba la’os foin akontese dala ida, maibe bebeik ona. Liliu mak kondisaun avião sira nian, sekarik kondisaun ladiak ona, hapara kedas kontrartu no labele hala’o tan movimentu liliu Díli ba Denpasar, nune’e Dempasar mai Díli,” hateten Pasajeiru, Mário Antonio Lopes.

Tuir dadus husi estasaun Sriwijaya  iha Díli  katak aviaun  ho númeru SJ270   husi diresaun Denpasar -Dili iha loron hitu fulan nee tula pasajeirus hamutuk 109 kompostu husi ema  boot 103 labrik nain   6 no bebé nain tolu.

Ida ne’e problema ba dala rua ne’ebé aviaun Sriwijaya rejista durante halo operasaun iha Dili- Denpasar.

To’o notísia ne’e publika, GMN seidauk hetan konfirmasaun ho parte Governu kona-ba pasajeiru sira nian pedidu atu troka aviaun ne’e.Ito

Add to Comments Here!!!!

error: Content is protected.
Secured By miniOrange
You might also like:
Governu sei uza millaun USD 296 ba funsionamentu mákina Estadu  Hein promulgasaun OJE 2019

Hein promulgasaun Orsamentu Jeral Estadu (OJE)...

Lakohi sosa asaun ConocoPhillips-Shell, Xanana: Dehan ba imi nia prezidente veta tiha OJE

Reprezentante espesiál Governu Timor-Leste ba asuntu...

JORNAL AS 12 GMNTV, Loron-8 Fulan-Janeiro Tinan-2019

Close