Mate isin Padre Bona halót iha konventu OFM Manufahi

Padre Bonaventura Immanuel, nu’udar sidadaun Indonézia, ne’ebé  hala’o nia misaun  iha Timor-Leste, hodi haklaken  Jesus Kristu nia domin ba sarani Katólika iha Timor-Leste, liu liu sarani sira iha Munisípiu Manufahi.

Maibé iha loron  15 fulan Janeiru tinan ne’e,  Padre Bona hakotu ona nia peregrinasaun iha mundu, hodi fila hikas ba Aman Maromak nia kadunan Santo, iha komunidade São Francisco de Assisi, ka Konventu OFM (Ordum Fratum Minorun).

Sarani Munisípiu Manufahi no Konventu OFM deside hodi halot mate isin Padre  Bona iha konventu refere.

“Sé mak  lori  husi Padre Bona , mai rai  Timor- Leste, Jesus Kristu, karik nia hader husi kaixaun ne’e, no nia hamrik iha ha’u nia fatin, parese nia sei hatete, maluk sira labele ko’alia kona ba ba ha’u, hahú husi horseik ita ko’alia kona ba nia prontu duni ona ba nia mate”, katak  aktual Bispu Diosece Bogor Indonézia iha nia omilia Kinta (17/01/2019), bainhira  preside misa funebre Padre Bona iha Parokia São Francisco de Assisi Welaluhu, Munisípiu Manufahi.

Bispu Bogor Indonézia ne’e afirma, iha Padre Bona nia moris bainhira ko’alia ba sarani sira,  nunka ko’alia kona ba nia aan, maibé ko’alia kona ba Jesus Kristu, tanba nia mai iha rai Timor, tanba Jesus Kristu.

“Tanba ha’u dehan ba imi maluk sira, hodi ba situsaun ne’ebé akontese, liu husi padre Bona,  hahú husi nia bele lori  ema hotu  to’o ba Igreja katóliku, hodi halo ema sira la’o sai ema katóliku, la’os husi naran de’it, ho nune’e nia hatudu liu husu nia mate ba ita hotu iha rai Timor  ne’e, nia hadomi  ema Timor, nomós nia hadomi  ba Igreja katóliku”,  katak Bispo Indonézia ne’e.

Iha fatin hanesan, Prezidenti Fundasaun  São  Francisco Assisi, Nicolão José Florentino hateten, durante tinan 23 hala’o nia misaun iha Timor-Leste, ho Kristu hametin sarani sira iha Timor, no nia domin ba sarani sira, husi halo nia la haluha  nia domin bo’ot ba sarani sira iha Timor-Leste.

“Antes nia seidauk hakotu iis, nia sei vizita ita hotu, iha fatin ne’ebé bai-bain hala’o nia kna’ar, no iha loron hira liu ba, nia husi ita hanesan komprimentu ikus, iha loron 15 liu ba”, relata Prezidenti Fundasaun Franciscanu ne’e.

Alende ne’e tuir familia husi Padre Bona katak, sira senti triste tebes ho matebian Padre Bona ne’ebe husik ona mundu.

“Ami agradese ba Franciscanu sira, tanba suporta ona no fó domin ne’ebé bo’ot tebes ba Padre Bona bele hala’o nia misaun  iha Timor durante tinan barak. Ho halo’ot nia fatin ida ne’e, ami familia ho laran luak entrega padre Bona, ba desizaun tomak husi Franciscanu sira, no ami familia bo’ot Manggarai simu ida ne’e, espera ho halot  padre Bona iha fatin ida ne’e, sai hanesan evidensia istória ba atividade misionáriu OFM iha rai Timor ne’e”, afirma alin ikun husi Padre Bona ne’e.oly