JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Igreja sei la hasai komunidade okupa rai ilegal

Igreja sei la hasai komunidade okupa rai ilegal

Komisaun Justisa no Paz Dioceze Díli (KJPDD) servisu hamutuk ho Sekretáriu Estado Terras no Propriedades( SETP) buka solusaun ba problema rai igreja ne’ebé okupa ílegal husi komunidade ne’ebé dau-daun ne’e sai polemíka iha sosiedade nia le’et, no parte igreja mos sei la hasai komunidade hirak okupa rai igreja ho ilegal maibé sei buka solusaun oinsa rezolve atu sai legal.

Rai misaun iha Munisípiu Díli ne’eb’e komunidade okupa ne’e lokaliza iha Suku Vila Verde, Bairo-Pite, Dare no Mascarinhas.
Diretor Komisaun Justisa no Paz Dioceze Dilí, Padre Herminio de Fatima Gonçalves, hatete enkontru ne’ebé Igreja hamutuk ho Governu liu husi Terras no Propriedades no komunidade atu buka solusaun ba problema rai igreja ne’ebé komunidade sira okupa ilegal atu sai legal nune’e bele hamenus problema entre komunidade ho parte igreja.
“ Komunidade sira haksolok tamba parte Dioseze sei la hasai komunidade sira husi rai igreja ne’ebé sira okupa, maibé parte igreja nafatin fo hanoin ba komunidade sira atu labele fa’an”,hateten Diretor Komisaun Justisa no Paz Dioceze Díli, Padre Herminio de Fatima Gonçalves, ba Jornalista sira sesta (22/02/2019) iha Seminario Maloa Ailok-laran Díli.
Diretor KJPDD, haktuir konaba selu taxa ba Estado no Igreja husi komunidade ne’ebé okupa rai igreja ida ne’e kompetensia husi Bispo Dioseze Dili Dom Virgilio do Carmo da Silva SDB mak bele deside selu taxa ou lae konforme husi Bispo Dioseze Dilí.
“ Agora konaba problema rai igreja ne’ebé komunidade faan ida ne’e krime, maibé uma kreda atu lori sarani ba iha Tribunal ida ne’e fuan triste, maibé ba futuru mak komunidade sira koko atu faan rai igreja mak igreja sei halo prosesu ba Tribunal hodi prosesa sira hanesan ema ne’ebé naok sasan tamba sira laiha direitu maibé koko faan ema nia rai.” dehan Diretor KJPDD, Padre Herminio de Fatima Gonçalves.

Lee hotu :   Konstrusaun Portu Tibar tama ona faze kee rai iha tasi okos


Nune’e mos, Reprezentante Gabinete Sekretáriu Estado Terras no Propriedades, Rodrigo de Mendonça, hatete papel Terras no Propriedade atu rezolve problema rai igreja entre igreja ho komunidade, dahuluk tenke hatene uluk estatuto rai nian katak igreja tenke aprezenta dokumento rai ne’e igreja nian baze aba referensia dokumento saída.
“ Agora sei igreja aprenzenta dokumento mak konsidera tuir lei ne’ebé iha, oinsa ho komunidade ne’ebé hela iha rai igreja nian, entaun hanesan ami hatete ona katak governu ho igreja sei hare kondisaun komunidade nian liu husi natureza exemplo, karik komunidade hela iha rai igreja nian tinan barak ona mak igreja tenke kria kondisaun.”afirma Reprezentante Gabinete Sekretáriu Estado Terras no Propriedades.

Rodrigo de Mendonça, sublinha tamba rai ne’e hola parte ba igreja entaun igreja mak tenke kria kondisaun ba komunidade sira no husi governu so bele halo levantamento kadastrais ba komunidade ne’ebé hela iha rai igreja hodi hatene rai nia luan no nain ba rai mak se no dokumento saída, entaun buat hirak ne’e depende ba deklarasaun identifikasaun iha terrenu hodi identifika komunidade sira ne’ebé hela iha rai igreja.
Iha fatin hanesan Admistrador Postu-Admistrativu Vera Crus, Octavio Amaral, apela ba komunidade ne’ebé okupa rai igreja tenke kolobora no halo koordenasaun diak ho igreja no autoridade lokal sira nune’e labele mosu desentendimento entre komunidade no parte igreja.

“Ha’u sente igreja sei la hasai komunidade ne’ebé hela ona iha rai igreja nian, maibé komunidade mak tenke kria koordenasaun diak ho autoridade lokal no igreja karik sente dehan okupa rai igreja nian nune’e bele ba admistra iha Terras no Propriedade tamba Terras no Propriedade mak iha kompetensia atu admistra rai hotu iha território Timor.” reafirma Admistrador Postu-Admistrativu Vera Crus.Fel

Add to Comments Here!!!!

error: Content is protected.
Secured By miniOrange
You might also like:
DIA 22/02/19 || GMNTV LIVE STREAM || JORNAL NASIONAL KALAN

DIA 22/02/19 || GMNTV LIVE STREAM || JORNAL AS 12

PD ezije Governu halo tradusaun dokumentu sosa asaun ConocoPhillips-Shell

Vise Xefi bankada Partido Democrático (PD),...

Close