JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MF lansa sistema ASYCUDA World iha aeroportu Comoro

MF lansa sistema ASYCUDA World iha aeroportu Comoro

Ministeriu Finansas (MF) Diresaun Autoridade Aduaneira lansa tan sistema ASYCUDA World, hodi fasilita diak liu tan serbisu Alfândega nian bainhira fó atendementu ba publiku diak liu tan. Sistema ASYCUDA World ne’e hanesan sistema online ida hodi halo verifikasaun ba dokumentu sira ne’ebe tama sai liu husi Aeroportu Internasional Nicolau Lobato, Comoro, Díli.


Sistema ASYCUDA nee lansa husi Ministra Finansas Interina, Sara Lobo Brites, Sesta-feira nee, akompanha mos husi Diretur Geral Autoridade Aduaneira, José A. F. Abílio no funcionário Alfândega ne’ebe destakadu iha Aeroportu Comoro, Díli.
Ministra Finansas Interina, Sara Lobo Brites konsidera ho lansamentu sistema ASYCUDA World ne’e nudar marka importante ida ba Alfândega.
“Ho lansamentu ba sistema ne’e ajuda tebes servisu Alfândega iha ninia atendementu ba publiku, tanba durante ne’e iha ejijensia barak husi komunidade ne’ebe hatama sasan, maibe iha parte seluk Alfândega halo duni esforsu maske ho limitasaun oi-oin”, dehan Governante.
Sara Lobo Brites dehan papel Alfândega nian la’os deit rekolla taxa, maibe mos papel atu kontrola merkadoria ne’ebe tama iha ita nia rain.
Governante ne’e promete, tempu badak estabelese mos sistema ne’e iha fatin seluk, hanesan Rejiaun Administrativa Espesial Oecusse -Ambeno.
Tuir, Sara Lobo Briste katak, ho estabelesementu sistema ne’e fó benefisiu liu tan ba Alfândega, tanba uza ona sistema modernu nune’e hasa’e reseitas no kresimentu ekonomia iha Timor- Leste.
“Ho estabelesementu sistema ne’e iha fatin hot-hotu diak para fó atendementu diak liu. Sistema ne’e sei fo benefisiu liu tan ba Alfândega tanba uza sistema modernu ne’e servisu sai afisiente, lalais liu, benefisiu seluk mos ba importadores, husi benefisiu sira ne’e hotu sei hasa’e kresementu ekonomia”, dehan Sara Lobo Bristes.
Iha fatin hanesan, Diretur Jerál Autoridade Aduaneira, José A. F. Abílio, hateten katak iha tinan 2013 Ministeriu Finansas asina akordu ho UNTAC projeto pilotu kona ba ASYCUDA World, asina iha iha 2013, maibe implementasaun ne’e rasik seidauk, tanba iha kestaun tekniku balu tenke rezolve, nune’e iha tinan 2014 maka implementa sistema ASYCUDA World.
“Sistema ASYCUDA World ne’e Konsellu Ministrus aprova tiha ona rezulusaun ida iha tinan 2018 hodi sai hanesan plataforma elektronika ida ba TL no sistema ne’e rasik sei sai hanesan plataforma ida ba janela unika. Plataforma ne’e seidauk tebes Alfândega no mos importadores sira ne’ebe maka uza meius ida husi aeroportu nian para hatama sira nia merkadoria”, hateten Diretur Jeral Autoridade Aduaneira, José A. F. Abílio.
Lideransa masimu Autoridade Aduaneira ne’e rekoñese Alfândega menus infraestrutura, tanba ne’e prosesu ne’ebe sira halo la’o kleur.
“Prosesu ne’e ita haree la’o neneik oitoan, tanba ita rekoñese katak ita nia infraestrutura rasik iha fatin hot-hotu, liu-liu iha postu ne’ebe maka Alfândega iha ami tenta estabelese hotu ona ho prosesu sira ne’e rasik ajuda ona ita atu serbisu ho efesiensia no efikasia liu”, dehan nia.
José A. F. Abílio Sistema sublinha, sistema ne’e rasik nudar sistema ida ne’ebe substikadu tebes, no nasaun barak maka uza ona para lori bele fasilita serbisu. Ajensia ne’ebe serbisu iha Aeroportu ida-idak uza ninia sistema para hodi halo kontrolu ba dokumentu ne’ebe hanesan entaun uza deit sistema ida para fasil liu hodi halo kontrolu no verifikasaun ba dokumentu sira, ida ne’e maka vantagen ida husi kuandu uja sistema ida integradu, tanba sistema ne’e rasik bele asesu iha fatin hot-hotu importante maka iha internet.
Aleinde lansa sistema ASYCUDA World ne’e, Ministra Finansas interina, Sara L. Briste mos entrega sertifikadu apresiasaun ba Funsionario Alfândega nian nian ne’ebe maka remata ona formasaun ba sistema nee.
Sistema ne’e rasik antes estabelese ona iha Fronteira Covalima, tuir planu sei estabelese mos iha Oecusse no fatin seluk. Partisipa iha seremonia lansamentu ne’e mai husi autoridade Aeroportu Internasional Nicolau Lobato, representante Servisu Migrasaun no ajensia sira seluk ne’ebe hakna’ar an iha Aeroporto Comoro ne’e rasik. Mia

Lee hotu :   Veteranu husu reestrutura radikal iha PNTL

Add to Comments Here!!!!

error: Content is protected.
Secured By miniOrange
You might also like:
DIA 15/03/19 || GMNTV LIVE STREAM || JORNAL NASIONAL KALAN

DIA 15/03/19 || GMNTV LIVE STREAM || JORNAL AS 12

DIA 15/03/19 || GMNTV LIVE STREAM || JORNAL AS 12

Close