JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Basílio: Ratifika tratadu FM importante ba Timor-Leste

Dom Basílio: Ratifika tratadu FM importante ba Timor-Leste

Bispu Dioseze Baucau Dom Basílio do Nascimento, hatete Timor – Leste ho Austrália ratifika duni tratadu Fronteira Marítima (FM) iha 30 Agostu mai ne’e importante tebes, no ida ne’e mak Timor-oan defende nasaun nia interese.

“Sé Governu Timor-Leste maka asina tratadu Fronteira Maritíma ne’e karik signifika katak,negosiasaun sira pelemenus to’o pontu ida no signifika katak,interese nasaun nian ne’e, ita nia negosiador sira defende ita nia interese nasionál no buat ida tratadu ka buat ida akordu ne’e, signifika katak,iha buat ruma ne’ebé nain rua ne’e hakarak iha ona, iha dalan atu sira nain rua bele hetan hotu kompensasaun ,ita bele dehan sira nain rua bele manan hotu no buat ne’e asina duni hau hanoin katak,sai pasu ida ba nasaun Timor-Leste”, espera  Bispu Dioceseze Baucau Dom Basílio do Nascimento, Sesta (23/08) iha Postu administrativu  Iliomar,munisipiu Lautém.

Responsável maxímu Dioceze Baucau nee konsidera, akordu tratadu fronteira marítima entre Timor-Leste ho Austrália ne’e ,iha dalan atu parte rua ne’e bele manan no hetan kompensasaun husi tratadu refere.

 “Ema dehan katak,minarai ne’e sai riku soin ba nasaun ,nasaun sira moris ho minarai ne’e oituan de’it,ba nasaun barak minarai inves sai solusaun ida ne’ebé sai problema bo’ot, hau hanoin ezemplu ida mak Angola riku liu ita dala hira ,maibé ohin loron iha nasaun ida que deve ,hau rona responsavel balun ita nian Timor dehan katak,Angola besik bankrut sé nasaun ida riku soin hanesan ne’e besik ona bankrut entaun ita nian ne’e katak,ita ho buat minarai bele sai ita nia sumasu hodi sadere metin ,maibe mós katak,sé ita la kuidadu buat hirak ne’e bele sai fali kotret”, apela Dom Basilío.

Lee hotu :   Madre Guilhermina : Katuas sira selingkuh tamba osan barak

Nu’udar sidadaun Timor-Leste ne’e hakarak, riku soin Timor nian ne’e bele fó benefisiu no hadia povu Timor-Leste nia moris. Maibé tuir Dom Basílio katak, atu prosesu minarai husi tasi laran hodi hetan osan ne’e, sei presiza tempu naruk.

“Hau haree de’it hanesan povu bai-bain hodi dehan,sé ita iha riku soin ida hanesan ne’e ita hotu hakarak katak,riku soin ne’e bele lori diak mai ita ,maibé é riku soin ida ne’e mak hotu bele iha kondisaun ,bele iha osan hodi hadia sira nia moris ,maibé tratadu los duni minarai sei iha tasi laran ,maibe prosesu husi ne’ebá husi hasa’i mina mai to’o hetan osan buat ne’e sei naruk” dehan bispu.

Iha fatin hanesan Xefe Estadu FALINTIL Forsa Defeza Timor-Leste, Majór Jenerál Lere Anan Timur, hateten FALINTIL- Forsa Defeza Timor-Leste preparadu atu fó seguransa ba territorial Fronterira Marítima iha tasi Timor.

Fó hanoin fali katak,Prezidente Repúblika Francisco Guterres Lú Olo, públika ona lei Fronteira Marítima iha Kinta,loron 22,Fulan Agusto ne’e, iha Jornal da Repúblika.

Asina tratadu Fronteira Marítima ne’e Timor-Leste ho Austrália sei hala’o iha iha loron 30,fulan Agusto ne’e.Tos

 

Add to Comments Here!!!!

error: Content is protected.
Secured By miniOrange
You might also like:
Dia 26/08/2019 || GMNTV LIVE STREAM || DADER KMANEK

Dia 25/08/2019 || GMNTV LIVE STREAM || JORNAL NASIONAL KALAN

Dia 25/08/2019 || GMNTV LIVE STREAM || JORNAL AS 12

Close