JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PARÓKIA BALIDE HALO TINAN BA 74, DOM VIRGÍLIO: SARANI SIRA TENKI TAU KONFIANSA BA MAROMAK

PARÓKIA BALIDE HALO TINAN BA 74, DOM VIRGÍLIO: SARANI SIRA TENKI TAU KONFIANSA BA MAROMAK

Bispu Dioseze Díli, Dom Virgílio do Carmo da Silva SDB, afirma, ho ezisténsia parókia Balide ba dala 74 ne’e, sarani sira tenki laran metin liu tan ba Maromak, liu husi Vírjin Santísima nia harohan da’et atu nune’e santa igreja bele hafoun nafatin sarani sira-nia fiar.

“Mai ita haree ba oin no laran metin liu tan, iha Maromak no liu husi Vírjin Santísima nia harohan da’et, ita Na’in Jezus Kristu salva guarda fiar na’in sira, liu-liu iha sarani parókia ida ne’e no virjin Santísima nia harohan da’et ba santa igreja no hafoun ita nia-an, atu bele rona Maromak nia lia-fuan, hanesan Maria bolu nafatin Maromak, ha’u mak atu halo tuir nafatin ita nia hakarak”, Bispu Dioseze Díli ne’e liu husi ninia omília ba sarani sira iha igreja Parókia Imaculada da Conceição Balide-Dili, Sábadu (07-09-2019).

Dom Virgílio do Carmo hateten, tinan oin Parókia Balide sei kompleta tinan 75, signifika la’os Parókia nia idade deit mak boot, maibé nu’udar konviti ida ba sarani sira hotu iha parókia ne’e, atu renova sira nia-an no hafoun nafatin uma kreda Maromak ni’an ne’e.

“Renova ita nia-an, maski parókia nia otas boot, maibé sarani sira nafatin nakonu ho esperansa, enerjia ne’ebé foun, atu bele hafoun nafatin uma kreda ida ne’e, iha ita nia parókia”, tenik Bispu Dioseze Díli ne’e.

Husi sorin seluk, Padre Parókia Balide, Graciano Santos Barros hateten, parókia Balide hari’i iha tinan 1945, iha momentu situasaun segunda guerra mundial no dau-daun ne’e selebra aniversáriu ba dala 74, maibé ho dezafiu sira ne’ebé parókia Balide infrenta iha momentu ne’ebá to’o ohin loron halo igreja ne’e sai maduru liu.

Lee hotu :   Komemora loron 20 Maiu, Prizioneiru Prizaun Bekora halo atividade doasaun ran

“Oras ne’e, ita tama ona 74 anus, tinan oin halo 75, dezafiu saída mak ita hetan barak teb-tebes, hanesan parókia ne’ebé mak ho idade 74, só loloos maduru, tasak iha buat lubuk ida, maibé na realidade, buat balun la’o seidauk di’ak, fiar sarani sira ni’an, vida moral spiritual seidauk kle’an loloos, ida ne’e sai hanesan dezafiu boot ida ba pastorais, amu-lulik pároku vigáriu, madre, katekista no sira ne’ebé involve-an ou servisu iha parókia, buat ne’ebé mak ita la nega, susesu lubuk ida ne’ebé atinji durante ne’e, tinan 24, padre Brito liu husi fatin ida ne’e halo buat lubuk ida, hari’i igreja no rezidensia, halo eskola ne’ebé di’ak ba sarani sira, la’os ida ne’e deit, maibé hanorin mós sarani sira atu fiar iha Maromak, liu husi vida moral spiritual ne’ebé kle’an”, tenik Padre parókia Balide ne’e.

Antes ne’e, sarani parókia Balide hala’o ona aktividade oi-oin, hanesan loke konkursu lee Bíblia ba estudante sira iha Eskola Ensinu Báziku, Pré-Primária no Sekundária sira ne’ebé mak partensia husi parókia Balide, halo venerasaun, lori illas Na’in Feto, Maria Imaculada da Conceição, la’o hale’u Parókia Balide no iha loron Sábadu ne’e, ensera ho selebrasaun misa, ne’ebé hetan partisipasaun máximu husi sarani sira ne’ebé partense ba parókia Balide. mya

Add to Comments Here!!!!

error: Content is protected.
Secured By miniOrange
You might also like:
SOSIEDADE SIVÍL HUSU EKIPA KONJUNTA HALA’O OPERASAUN BA VEÍKULUS ESTADU

Sosiedade Sivíl  husu ekipa operasaun konjunta...

GREGÓRIO SALDANHA: JARDIN MOTAEL MERESE TAU NARAN SEBASTIÃO GOMES

Prezidente Komité 12 Novembru, Gregorio Saldanha,...

JORNALISTA 60 SIMU SERTIKADU LINGUA PORTUGUEZA

Jornalista hamutuk 60  husi instituisaun média...

Close