Governu sei uza lei hasai uma-kain 10 iha Caicoli

Sekretáriu Estadu Terras no Propriedades,  Mário Ximenes  hatete, Governu sei uza lei númeru 3/2007, no  lei númeru 1/2003 inklui  rezolusaun  Governu númeru 20/2014  ne’ebé Estadu uza hodi halo indemnizasaun ba família sira.

“Komunidade sira hakarak ita fó indemnizasaun ne’e tuir sira nia hakarak ne’e labele, tanba estadu iha ninia plataforma ho nia kustu ida ne’ebé determinadu kedas,hanesan aihoris ,plantasaun hirak ne’e iha ninia rejimentu espesiál iha ne’eba para atu selu aihoris sira ne’e no mós ,uma ho kategoria tuir tekniku obras publikas nian katak,ne’e iha primeira klase ka segundu klase ka terseiru klase ne’e iha ninia indemnizasaun kedas ne’ebé sei la tuir komunidade nia hakarak” Sekretáriu Estadu Terras no Propriedades  Mário Ximenes  hatete,kestaun ne’e,iha Parlamentu Nasionál,Kinta (16/01).

SETP Mário esplika komunidade labele husu indemnizasaun tuir sira nia hakarak,tamba wanhira Governu atu selu indemnizasaun tuir  plataforma ho nia kustu ida ne’ebé determinadu ona.

Konaba sertifikadu komprovativu ne’ebé okupante sira hatudu ne’e ,Mário,konsidera sertifikadu hirak ne’e balun uza sertifikadu alvara,balun uza indonézia nia sertifikadu direitu de uzu ,balun uza direitu de uzu frutu ,balun uza hanesan portuguesa nian direitu da renda,nune’e foramentu sira ne’e iha ninia grau ka klase ida-idak nia kategoria.

Tamba ne’e SETP Mário,husu ba okupante uma kain 10 ne’ebé sei ulun to’os ne’e,atu husik hela fatin konstrusaun ne’e,tamba Governu presiza no hala’o dezenvolvimentu iha rai ida ne’e.

“Sei iha balun mak ulun toos-tos hela,maibe nee hakarak ka lakohi tenki sai no sei tuir balun ne’ebé hela kleur no balun ne’ebé foin mai hela,maske iha dokumentus komprovativus ,maibe ita hare sira hela ne’e hela oinsa lai ,balun aprezenta dokumentu no balun laiha dokumentus ,maibe tipu de dokumentus nee saida ezemplu hanesan balun uza sertifikadu alvara,balun uza indonézia nia sertifikadu direitu de uzu ,balun uza direitu de uzu frutu ,balun uza hanesan portuguesa nian direitu da renda,foramentu sira ne’e iha ninia grau ka klase ida idak nia kategoria,sai ami sei konsidera tuir ita nia lei númeru 3/2007 definisaun de titularidade ho lei numeru 1/2003 uza lei rua nee mak ho mos rezolusaun do Governu numeru 20/2014 ne’ebé mak estadu uza hodi halo indemnizasaun auto estrada no aeroportu Suai nian refinaria Betano nian” SETP Mário,hatete.

 Antes ne’e Ministériu Justisa hasa’i ona notifikasaun  ba familia uma kain 7, hodi simu ona indemnizasaun $ 10.000 hodi  hamamuk  fatin   refere, maibé komunidade uma kain 10 seidauk kumpri no la koopera ho Estadu hodi husik fatin ne’e mamuk, tanba  governu seidauk  rezolve  sira nia estatutu   rai  ne’ebé  sira hela ba.Tos