JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kontinua negósiu iha estrada públiku, negosiante sei selu multa

Kontinua negósiu iha estrada públiku, negosiante sei selu multa

Negosiante ambulante kontinua halo negósiu iha Estrada públiku hodi difikulta movimentu transporte públiku no movimentu ema la’o ain.

Maske Governu prepara ona merkadu públiku Manleuana no Taibesi, maibé nogosiante kontinua okupa trotoar hodi halo negósiu.

Negosiante Natalino Fereira hateten, maske antes ne’e Governu prepara ona fatin hanesan merkadu Taibesi no Manleuana maibé sira kontinua halo negósiu iha dalan ninin tanba faan iha dalan ninin rendimentu diak liu halo negósiu iha merkadu.

“Obrigatóriu fa’an iha estrada públiku nune’e sustenta nesesidade uma laran, ami ba kompra modo lori 50.00 dolar, fila fali mai ami faan USD 5.00 no USD 10.00 ne’e ami lakon, razaun ne’e mak ami kria fatin ida hanesan, para ami bele faan hodi sustenta ba ami nia nesesidade básiku, rendimentu kada loron ami lori 50.00 dolar hola, fila fali mai fa’an hetan fila fali USD 5.00 ou USD 10.00, pelemenus ami hetan, ema hola diak maka USD 10.00 ou USD 15.00,” dehan, Negosiante Natalino Fereira, ba GMN iha Fomentu Comoro, Tersa (14/01/2020).

Hanta ba kestaun ne’e, Xefe Departamentu Jestaun Merkadu Minísipiu Díli, Berta Santa Vieira, hateten, relasiona ho negosiante sira kontinua halo negósiu iha estrada públiku sira, Munísipiu Díli kada loron sempre halo kontrolu ba negosiante sira liu husi avizu, maibé negosiante kontinua halo negósiu bainhira guarda munísipiu sira laiha terenu.

Berta hatutan katak, negosiante sira ne’ebé faan iha trotoar leten ne’e labele iha estrada públiku labele faan ne’e lei bandu tanba Estadu halo ona merkadu, husu merkadu halo merkadu no loro-loron halo avizu nafatin hotu-hotu faan iha merkadu  tanba faan iha trotoar leten labele.

Lee hotu :   Salvador Pires: Konkursu projetu infraestrutura prosesu iha aprovizionamentu

“Munísipiu Díli halo patrolla jeral ba negosiante hirak ne’e, maibé ba futuru sei implementa negosiante sira sei selu multa, bainhira kontra regulamentu refere, tanba dadaun ne’e seidauk iha baze legal atu fó sansaun ba negosiante sira,” dehan, Xefe Departamentu Jestaun Merkadu Minísipiu Díli Berta  Santa Vieira.

Xefe Departamentu Jestaun Merkadu Minísipiu Díli reforsa liutan, trotoar ne’e la’os fatin atu faan sasan, ne’e prejudika movimentu ema seluk nian atu halao atividade.

“Labele faan iha trotoar leten tanba enjeralmente halo ona avizu ba maluk sira faan iha ne’eba, halo ema la’o la diak la’o halo atividade iha fatin hirak ne’e, ami Guarda Munísipiu Díli halo patrullamentu enjeral, ami ba mak hetan vendedores faan iha trotoar leten ami halo avizu katak fatin ne’e bandu labele fa’an, ne’e mak ita halo bebeik balun kumpri ona no balun seidauk, ita kontinua avizu nafatin para evita labele faan i evita labele uza estrada portokolu sira faan sasan,” fundamenta, Berta Santa Vieira.

Berta dehan, durante sasan hirak ne’ebé sira prende mak hanesan, modo tahan, tomate, ikan no seluk tan, hafoin sira prende sasan hirak ne’e, parte Munísipiu Díli iha termu entrega no sira fó apoiu ba ema ho difiSiénsia sira, no mós ba Madre sira.

Dadaun ne’e funsionáriu Jestaun merkadu Munísipiu Díli nian ho total 49, kompostu husi permanente nain 44 no voluntariu 5.Ina

Add to Comments Here!!!!

error: Content is protected.
Secured By miniOrange
You might also like:
Asegura mákina Estadu, MF lansa livru DOT ba kada ministériu

Ministériu Finansa (MF) lansa livru Dotasaun...

Lere: Osan laiha atu harii muzeu tau ró aat F-FDTL nian

Xefe  Estadu Maior Jenerál F-FDTL Majór...

PPN:Orsamentu duodésimu la presiza liu husi PN ■Ohin hahú diskute OJE 2020

Prezidente Parlamentu Nasionál (PPN), Arão Noe...

Close