JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sirkulasaun transporte públiku la’o normal ■MDI husu komunidade uza máskara

Sirkulasaun transporte públiku la’o normal ■MDI husu komunidade uza máskara

Sirkulasaun  transporte públiku kareta no motorizada iha kapital Díli iha Segunda (24/04/20)  la’o normal, tanba Estadu Emerjénsia primeira faze remata ona.

Prezidente Repúblika,  Francisco Guterres Lú Olo, dekreta  Estadu Emerjénsia  iha loron 28 fulan Marsu no remata  iha loron 26 fulan Marsu tinan ne’e. Tanba  ne’e  sekulasaun transporte públiku tantu kareta no motorizada  sira  komesa barak  la hanesan loron  ne’ebé mak Estadu Emerjénsia antes ne’e sei la’o hela.

Loja sira komesa loke fila-fali hanesan bain-bain iha Segunda loron 27 fulan Abril tinan ne’e.

Ministru Defeza no Interiór Interinu (MDI), Filomeno Paixão,  hateten, maske Estadu Emerjénsia  primeiru faze remata  ona, maibé, governante ne’e husu komunidade sira atu la’o kuidadu a’an nafatin no uza  máskra, hodi prevene a’an husi  virus COVID 19.

“Seguransa iha terenu iha, sira la’o, maibé sira la’o la’os atu bandu ema  tuir emerjénsia nian, maibé emerjénsia hotu ona, sira haree  komunidade  tenki  uza masker no mantein distánsia sosial  no iha medidas seluk fó sai hodi prevene”,esplika Ministru Defeza no Interiór Filomeno Paixão, ba jornalista sira  Segunda (27/04/20), iha Parlamentu Nasionál.

Wainhira  husu pozisaun governante ne’e nian konkorda estende Estadu Emerjénsia ka lae?  Filomeno Paixão, responde, depende ba deputadu Parlamentu Nasionál.

“Ha’u laiha buat ida atu estende ka la estende, ha’u hein de’it Parlamentu Nasionál mak koalia”,dehan Filomeno Paixão.

Tuir observasaun GMN iha terenu, atividade pasa revista Polísia sira nian iha estrada públiku iha Díli laran mos laiha, maibe Polísia hala’o de’it observasaun públiku, hodi  husu komunidade sira uza máskra no mantein distánsia sosial.

Prezidente Repúblika konkorda estende Estadu Emerjénsia ba dala rua.avi

Lee hotu :   CEPAD realiza grande debate ho tema “Liberdade Asesu ba Informasaun, Promove Governasaun Inkluzivu, Partisipativa, Transparente no Responsável”

Add to Comments Here!!!!

error: Content is protected.
Secured By miniOrange
You might also like:
PM Taur: Governu konsiente estensaun EE afeta ba ekonomia povu nian

Primeiro Ministru (PM), Taur Matan Ruak,...

Austrália prontu apoia tan ekipamentu no rekursu umanu mai TL

Tuir komunikadu ne’ebe mak GMN simu...

Deskonfia pesoál PNTL lori kilat ameasa Naimori, PN kondena ■MDI: Polísia investiga hela

Deskonfia pesoál Polísia Nasional Timor-Leste (PNTL)...

Close