Selebra 13 de Maiu, Dioceze Díli lori estatua Nossa Senhora do Rosario de Fatima la’o haleu kapital Díli

Selebrasaun Loron Nossa Senhora 13 Maiu, tian nee, Dioceze Díli hala’o prosesaun hodi lori estatua Nossa Senhora do Rosario de Fatima,haleu kapital Díli la ho sarani sira, tanba surtu Coronavirus.

 Antes nee Diocese Díli halao prosesaun husi Igreja Motael ba estauta Nossa Senhora Fatima iha Lecidere nebe akompanha husi sarani sira, maibe selebrasaun ba tinan ida nee prosesaun lahosarani sira, tanba nasaun iha hela Estadu Emerjénsia.

Prosesaun ba Selebrasaun loron Nossa Senhora do Rosario de Fatima ne’e preside husi Arce Bispu Metro Politano Dom Virgílio do Carmo da Silva,ne’ebé akompaña husi padre,madre no eskuteiru sira.

Iha prosesaun ne’e padre no madre sira lori sai estatua Nossa Senhora do Rosario de Fatima,husi parokó Nossa Senhora Imaculada da Conceição Kadetral Díli ba vizita sala izolamentu sentru saúde Vera Cruz no kontinua ba rediresaun Parokó Balide, Becora ,Motael, Aimutin kontinua  hikas ba karantina Tasi-Tolu no fila- fali ba Katedral.

Prosesaun ne’ebé Bispu, padre no madre sira lori hala’o iha Kapital Díli ne’e,atrai tebes sarani sira iha Kapital Díli ,tamba iha dalan-dalan sarani sira prepara estatua Nossa Senhora do Rosario de Fatíma hodi sunu lilin, reza no hananu ,ho grupu no pesoal.

Maske iha tinan ne’e sarani sira la selebra loron Nossa Senhora do Rosario de Fatima ho direta, maibé sarani sira ho antuziasmu reza no hananu iha fatin-fatin hodi tau aifunan estatua  Nossa Senhora do Rosario de Fatima ne’ebé Dioceze Díli lori haleu iha kapiatl Díli.Tos