Komemora 20 Maiu, Komunidade Kapital Díli hahú dada bandeira RDTL iha uma-oin

Komunidade iha Kapital Díli, hahú dada bandeira RDTL iha ida-idak nia uma-oin, no negosia balu, fa’an iha dalan ninin hodi komemora loron restaurasaun indepedensia 20 Maiu ba dala 18 (20 Maiu 2002 – 20 Maiu 2020).

Bandeira sira nee negosiante balun fa’an iha dalan ninin, iha área Kampung Alor no tasi ibun no parte ponte kais Díli nia oin.

To’o ohin loron  Governu seidauk fó sai informasaun konaba selebrasaun loron nasional nee, tanba Timor – Leste vigora hela Estadu Emerjénsia hodi evita propagasaun Covid-19, ne’ebe  país nee mos resjista ona kazu positivu Covid-19.

Maske governu fó orientasaun ba komunidade, dada bandeira RDTL iha ida-idak nia uma oin, maibé iha fatin públiku no ministériu sira, ne’ebé bai-bain iha loron komemorasaun nasionál sira, sempre nakonu ho banderola sira ne’e, to’o ohin loron seidauk monta.Tos