JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Padre Emanuel: Sarani sira tenke kumpre protokolu OMS durante misa

Padre Emanuel: Sarani sira tenke kumpre protokolu OMS durante misa

Pároku São José Ai-Mutin, Emanuel Lelo Talok CMF, agradese ba desizaun ne’ebé konferénsia episkopál deside, hodi reativa aktividade misa dominikál atu sarani sira partisipa fila-fali misa hanesan bai-bain.

Pároku ne’e afirma, aktividade misa la’o nafatin hanesan bai-bain, maibé parte parókia mós prepara bee no sabaun, tuir rekomendasaun husi autoridade saúde atu sarani sira fase-liman no sarani sira nafatin mantein distánsia sosiál, hodi evita transmisaun surtu Corona Virus Disease (COVID-19).

“Ita agradese tebes ba tempu kmanek ida ne’e, sarani bele hola parte fali diretamente no la liu husi live streaming no online ona, nune’e mak iha 28, fulan Maiu ne’e, parókia Ai-Mutin nakloke fali ba sarani sira, maibé ami prepara fatin, fasilidade tuir protokolu ne’ebé Organizasaun Mundiál Saúde (OMS) husu, ne’e mak ami prepara fatin fase-liman, prepara sabaun, no mós prepara orientasaun sira hanesan uza másakra no kadeira sira forma ho metru ida ho balun. Agradese tebes, tanba santa misa bele hala’o ona iha dia 28 no ohin loron pentekoste, partisipasaun povu kapas tebes ho konsiensia saúde nian ne’ebé aas”, Padre Emanuel ba GMN hafoin remata misa iha parókia Ai-Mutin, Domingu (31-05-2020).

Entretantu tuir sarani, Maria Soares Mendonça, hateten, nu’udár sarani sira sente orgullu ho desizaun igreja Katólika ni’an reativa fali aktividade misa dominikál no diária, maibé sente triste wainhira surtu COVID-19 iha Timor-Leste seidauk livre totál.

“Sente triste tebes tanba misa diáriu loro-loron, no mós Domingu, sa tán loron boot sira hanesan páskua semana santa, sente triste tebes, tanba ida ne’e liu dook, kompara ho funu, como ho distánsia no uza másakra no fase-liman ne’ebé sarani balun sei tauk hela ne’e mak partisipasaun kominaun ne’e la-lais de’it hotu ona, normalmente misa sira hanesan ne’e ema barak la halimar” dehan sarani ne’e.

Lee hotu :   Mikrolet 94 hato’o pedidu halo sirkulasaun iha area ponte comoro três

Iha fatin hanesan, Xefe Komisaun Juventude Parókia São José Ai-Mutin, Mariano Ana Lopes, hateten, nia parte sente orgullu, tanba bele partisipa fali misa hanesan bai-bain.

“Nu’udár sarani sente kontente tebes, tanba kleur tebes ita la mai rona Na’i Maromak nia liafuan direta husi ita-nia Na’i Lulik sira, tanba ita sempre misa husi online, agora ita mai direta, durante EE ita simu Jesus Kristu nia futar-isin espiritualmente, agora ita mai simu diretamente ona, ne’ebé nu’udár sarani sente kontente, tanba bele partisipa fali misa hanesan bai-bain”, tenik Xefe Komisaun Juventude Parókia São José Ai-Mutin ne’e.

Reativasaun ne’e hala’o iha loron 19, fulan Maiu ne’e, liu husi komunikadu pastorál, Konferénsia Episkopal Timor-Leste, deside reativa misa dominikál no misa diária, ne’ebé suspende durante fulan rua (2) nia laran, tanba surtu COVID-19.

Entretantu párokia São José Ai-Mutin, hahú misa dahuluk iha loron 28, fulan Maiu ne’e, maibé nafatin kumpre regra ne’ebé fó sai ona husi Konferénsia Episkopál Timor-Leste katak, igreja Katólika só selebra de’it aktividade misa dominikál, diária no misa solenidade. san

 

Add to Comments Here!!!!

error: Content is protected.
Secured By miniOrange
You might also like:
Estadu estende tan EE implika vendedór ambulante nia sasán la folin

Governu implementa Estadu Emerjénsia (EE), fó...

Xanana Gusmão: Foin sa’e sira labele uza arte ba violénsia

Lider nasionál Kay Rala Xanana Gusmão,...

banner ad
Quer Saber Mais Sobre a COVID-19? Hakarak Hatene Liu Tan Kona-Ba KOVID-19? Visite WWW.OSANPOVUNIAN.TL

Close