JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kondisaun Portu la permite importa foos tonelada rihun 30 mai TL

Kondisaun Portu la permite importa foos tonelada rihun 30 mai TL

Foos tonelada rihun tolu nulu (30) resin, ne’ebé sosa husi Vietname, sei importa mai Timor-Leste (TL) dala tolu, tanba kapasidade ró no Portu la permite.

Prezidente Centro Logistico Nasionál (CLN), Augusto Junior Trindade, informa, dokumentu hotu kona-ba foos tonelada rihun 30 resin, ne’ebé Governu sosa husi nasaun Vietname finaliza ona, maibé foos hirak ne’e deside hodi importa mai Timor-Leste dala tolu, tanba kapasidade ró no Portu la permite atu foos hirak ne’e mai dala ida de’it.

Prezidente CLN ne’e informa, etapa dahuluk ni’an, sei to’o iha Timor-Leste, iha fulan Agostu, tinan ne’e, tanba dadaun ne’e importadór, prepara ona foos hirak ne’e, ba ró laran.

Orsamentu ne’ebé mak, Governu aloka hodi sosa foos tonelada rihun tolu ne’e, hamutuk dolar amerikanu tokon sanulu resin lima.

Tuir kalendáriu ne’ebé mak iha, foos ho tonelada rihun 30 resin ne’e, sei to’o hotu iha Timor-Leste, iha fulan Setembru, tinan ne’e.

“Finaliza dokumentu hotu-hotu iha ona banku sentral, i ami foin simu informasaun katak iha ona BNCTL para ohin haruka ba ona, atu hatete katak Governu liu husi kompañia Vina Futu One halo ona preparasaun tomak sira haruka ona loron-loron, ami tenke husu sira update ba ami preparasaun haruka netik retratu ruma mai kalendariu importasaun ne’e halo nusa depois sira halo hotu haruka mai, tuir planu sira sei haruka dala 3, primeiru etapa rihun 12.500 tonelada, etapa segundu sei mai ho rihun 6 tonelada no etapa terseiru sei mai ho rihun 11. 500 tonelada”, dehan, Prezidente CLN, Augusto Junior Trindade ba GMN, iha Fomentu Kuarta (22/07).

Kona-ba sosa foos ho tonelada rihun tolu nulu resin husi nasaun Vietname, durante ne’e Governu liu husi CLN, servisu hamutuk ho Ministériu Finansas, BNCTL, CNA no selu-seluk tan. Ina

Lee hotu :   MTK rekoñese ahi mate iha Areaportu Internasional falla iha jeradór

Add to Comments Here!!!!

error: Content is protected.
Secured By miniOrange
You might also like:
ACBN husu Alkatiri esplika razaun kondekora traidór Alarico Fernandes

Asosiasaun Kombatente Brigada Negra (ACBN-sigla Portugés)...

Laiha propagasaun COVID-19, MS: Ema hotu bele halo atividade grupu

Ministra Saúde (MS), Odete Maria Freitas...

SEFOPE ameasa lori fila traballadór komete iregularidade iha Austrália

Diretór Jerál Sekretariu Estadu Formasaun Profisionál...

Close