JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei fó indemnizasaun ba komunidade afetadu projetu drenajen

Governu sei fó indemnizasaun ba komunidade afetadu projetu drenajen

Diretór Jeral Agua no Saneamentu, Gustavo da Cruz, hatete, Governu sei fó indemnizasaun ba komunidade iha Postu Administrativu Kristu-Rei ne’ebé afetadu ba projetu planu mestre Saneamentu no drenajen iha munisípiu Díli. 

“Atu implementa projetu planu mestre ba saneamentu no drenajen iha munisípiu Díli estabelese ekipa intregadu ida ne’ebé kompostu husi Autoridade Munisípiu Díli Ministériu Interior Ministériu Agrikultura Ministériu Obras Públikas Terras no Propriedades hodi responde preokupasaun komunidade nian wanhira projetu ne’e Governu implementa iha Munisípiu Díli, tanba ne’e mak antes atu implementa projetu ne’e governu halo uluk enkontru ho Autoridade Lokal no Komunidade sira hodi hatene”, hatete Gustavo da Cruz ba GMN iha Sentru  Juvenil Becora, Díli, Segunda (17/08).

Diretór Jeral Agua no Saneamentu, Gustavo da Cruz  mos hatete antes atu implementa projetu presisa tebes atu halo sensibiliasaun hodi fo imformasaun konaba lalaok projetu refere tanba projetu ne,e sei afeta mos komunidade nia hela fatin.

“Ami sei kontinua fahe informasaun ba komunidade iha Postu sira seluk. Enjeral komunidade ne’ebé afetadu ba projetu iha Postu Administrativu Kristu Rei hamutuk uma 164 maibé númeru ne’e rasik seidauk fiksu tanba evolusaun dezenvolvimentu iha Postu refere lao nafatin, entaun númeru ne’e bele aumenta ou bele mós menus”.

Iha parte seluk, Diretor Jeral Protesaun Sivíl, Ismail Babo, konsidera projetu ne’e importante atu foti dignidade Díli nudar kapital Timor-Leste tanba ne’e husu ba komunidade atu koopera liu-liu komunidade ne’ebé afetadu.

“Haree ba importante hosi projetu ne’e, ami hakarak fahe fahe informasaun ba komunidade sira atu hotu-hotu hatene katak, iha tempu badak ekipa intregadu  sei tun ba halo identifikasaun konaba, ai-oan no aihoris ne’ebé komunidade sira iha”imforma Ismail Babo.

Lee hotu :   JORNAL NACIONAL GMNTV MEIU DIA, Loron-21 Fulan-Dezembru Tinan-2018

Maibe Xefe Suku Camea, Matos da Costa, preokupa ho sensibilizasaun ne’e tanba Autoridade Lokal sira seidauk hetan dadus ruma husi Governu ba komunidade ne’ebé afetadu ba projetu refere.

Entretantu ekipa integradu hala’o ona sensibilizasaun iha Postu Administrativu Nain Feto, Vera Cruz, Dom Aleixio no remata iha Postu Administrativu Kristu-Rei kona-ba implementasaun projetu ne’e.

Tuir planu iha loron 27, fulan Agostu, tinan ne’e, Governu sei halo lansamentu ba projetu refere iha salaun otól Novo Turismo. aba

Add to Comments Here!!!!

error: Content is protected.
Secured By miniOrange
You might also like:
Foos ne’ebé Governu sosa husi Vietname kualidade diak

Prezidente Centro Logistico Nacional (CLN), Augusto...

Kompañia ZMC entrega meza foun ba PN

Karpinteiru kompañia Zepara Mega Comoro (ZMC),...

Fó informasaun ho lian jestuál, GMN asina akordu ho RHTO

Grupo Média  Nacional (GMN)  asina  akordu...

Close