JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Funsionáriu Otél Novo Turismo termina formasaun iha POLTEKPAR Bali

Funsionáriu Otél Novo Turismo termina formasaun iha POLTEKPAR Bali

Sekretária Estadu Formasaun Profisionál no Empregu (SEFOPE), Tersa (22/09), entrega funsionáriu Otél Novo Turismo na’in 10 ne’ebé termina ona sira nia formasaun iha POLTEKPAR Bali-Indonézia.

Programa formasaun esperiénsia servisu POLTEKPAR Bali-Indonézia ne’e, realiza bazeia ba akordu ne’ebé SEFOPE ho Prezidente Konsellu Administrasaun Grupo Média Nacional (GMN Holding), Jorge Manuel de Araújo Serrano, halo iha tinan 2019.

Diretór Rekursu Umanu GMN Holding, Antoninho Pereira, hateten, kompañia Novo Turismo simu formandu hirak ne’e ho liman rua no la duvida ona kona-bá sira nia esperiénsia, tanba formasaun ne’ebé sira aprende iha POLTEKPAR Bali-Indonézia ne’e kualidade.

Maske nune’e, Diretór ne’e esplika iha tempu situasaun COVID-19 ne’e, kompañia Novo Turismo seidauk bele halo kontratu ho formandu nain 10 ne’e, tanba vizitante husi rai-liur mai iha Otel Novo Turismo seidauk iha.

“Neste momento ita hotu-hotu hasoru hela situasaun globál, mundiál ni’an ne’e afeta teb-tebes ba setór privadu sira hanesan Novo Turismo. Novo Turismo neste momento ema kuaze laiha para hela, tanba ida ne’e mak ita nia funsionáriu sira kuaze 120 pessoas, maibe to’o agora 90 e tall pessoas mak hela iha uma, tanba situasaun COVID-19 ida ne’e, ne’ebé empreza Novo Turismo kumpre nia kompromisu. Sé ekonomia rai-laran rekupera fali ona, prontu Novo Turismo iha kompromisu ida bolu sira emprega iha ne’eba tuir área ne’ebé mak sira ba hetan treinamentu”, Diretór Rekursu Umanu GMN Holding ne’e ba jornalista sira iha Novo Turismo, Lecidere, Díli, Tersa (22/9/2020).

Nune’e mos Sekretáriu Estadu Formasaun Profisionál no Empregu, Alarico dos Santos, agradese ba kompañia Novo Turismo, tanba bele simu joven ne’ebé SEFOPE forma ona iha formasaun profisionál.

Governante ne’e promete iha futuru SEFOPE sei investe maka’as liu tan iha área formasaun profisionál, hodi prepara juventude sira ba kompete iha kampu servisu.

“Planu ida ne’e ba oin atu responde nesesidade ita-nia kompañia sira husu, ita-nia merkadu rai-laran no merkadu rai-liur. Formasaun ida ne’e atu lori ita boot sira atu responde merkadu internasionál no nasionál nia husu, liu-liu husi ita boot sira matenek, skill, ema sei presiza ita boot sira”, dehan Alarico.

Reprezentante formandu, Dominika Elisabeth Hermes Soares, hateten, nia prontu servisu iha Otel Novo Turismo, ne’ebé ho nia fasilidade hanesan mós  saida mak sira aprende iha POLTEKPAR Bali-Indonézia.

“Kuandu COVID-19 ne’e remata, ami sei kontinua ami-nia servisu iha Novo Turismo, ida ne’e karik la hatene, tanba iha kontratu ne’e durante tinan tolu”, dehan Dominika.

Area ne’ebé formandu na’in 10 ne’e aprende durante fulan 6 iha POLTEKPAR Bali-Indonézia mak ospitalidade, otelária no mós formasaun ba área sira seluk tan. tos

Lee hotu :   Sim card telefone la rejistradu, sei desativa

Add to Comments Here!!!!

error: Content is protected.
Secured By miniOrange
You might also like:
MP finaliza ona kazu abuzu seksuál komete husi eis padre RD

Prokuradór Jeral Repúblika (PJR), José da...

CNRT-PD: SEFOPE tenke muda sistema teste ba traballadór sira

Xefe Bankada CNRT, Duarte Nunes, husu...

Governu sei tula hotu estudante iha rai-liur mai TL

Governu sei koordena ho kompañia Air...

Close