JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kareta soke mate ema ida iha Metinaro no na’in tolu kanek todan

Kareta soke mate ema ida iha Metinaro no na’in tolu kanek todan

Asidente tráfegu iha Metinaro, rezulta kareta Hyundai Carinha soke mate pasajeiru motorizada ida, inklui motorista na’in rua no vítima sira seluk kanek todan no oras ne’e baixa hela iha ospitál.

Tuir Porta-Voz Polísia Nasional Timor-Leste (PNTL), Superintendente Xefe Arnaldo Araújo, hateten, asidente tráfegu ne’e akontese Domingu (24/10/2020) kalan, mais ou menus tuku ualu ho balun oras Timor-Leste, iha  área Manleu Akadiru-Laran, postu administrátivu Metinaro, munisípiu Díli.

Wainhira matebian Joana Gusmão, nu’udár matebian ho nia kaben Thomas Aquino Gusmão, viajen husi Soibada mai Metinaro, maibé durante viajen kareta ho marka Hyundai Carinha ho nia xapa matrikula 27-773 TL, ne’ebé konduz husi suspeitu VX, halai tuir motorizada Beat Streat nia kotuk ne’ebé konduz husi vítima Thomas Aquino Gusmão.

Wainhira to’o iha Metinaro, kareta ne’e soke motorizada, hodi rezulta pasajeiru Joana Gusmão idade 25 ne’ebé sa’e tuir motorizada ne’e mate iha fatin akontesimentu.

No vítima Thomas Aquino Gusmão kanek todan, dau-daun ne’e hala’o hela tratamentu saúde iha Hospital Nacional Guido Valadares (HNGV). No mate-isin transporta ona ba iha Laleia, hodi hala’o serimonia funébre.

FOTO: MedSos

“Ha’u atu hateten de’it katak kazu husi asidente tráfegu ida ne’e, tanba fatór umanu, tanba halai ho velosidade mak akontese hanesan ne’e”, Porta-Voz PNTL ne’e ba jornalista sira, Segunda (26/10/2020), iha Kuartel Jerál PNTL Caicoli-Díli.

Alénde ne’e tuir informasaun ne’ebé mak GMN asesu husi seksaun tránzitu Díli katak, asidente ne’e akontese la’ós rezulta vítima ida de’it mak baixa iha ospitál, maibé vítima na’in rua seluk tan ne’ebé mak kareta refere soke, hodi rezulta isin lolon kanek.

Evidénsia kareta no motorizada asegura ona iha Kuartel PNTL, Caicoli, Díli. No mate-isin transporta ona ba Laleia, hodi hala’o serimonia funerál. Suspeitu detein ona iha sela detensaun hodi submete ba prosesu investigasaun. avi

Lee hotu :   Akadémiku: Ahi lakan-mate iha Díli laran tanba jestaun la di’ak

Add to Comments Here!!!!

error: Content is protected.
Secured By miniOrange
You might also like:
TL rejista hikas kazu COVID-19 ativu foun ida

Koordenadora Jerál Corona Virus Disease 2019...

KE-KSDS apoia PR Lú Olo dekreta EE ba dahitu

Konsellu Estadu (KE) no Konsellu Superior...

Promove artista rai-laran, Grupu Eleven Entertainment realiza konsertu amizade

Diretór Jerál Grupu Eleven Entertainment, Nelio...

Close