JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ANPM halo promosaun virtuál dada investidór husi rai-liur

ANPM halo promosaun virtuál dada investidór husi rai-liur

Autoridade Nasionál Petróleu no Minerál (ANPM) partisipa iha Asia Energy Forum 2020 ou Country Forum hodi kontinua halo promosaun ba bloku 18 iha Timor-Leste ba mundu liu husi virtuál, durante loron rua.

Iha promosaun ne’e fó esplikasaun kona-bá rekurusu ne’ebé Timor-Leste iha, hodi dada investidór sira ne’ebé iha kualidade rekursu tékniku, finanseiru no legalidade, atu partisipa konkursu hodi halo investimentu.

Diretór Peskiza no Disponibilizasaun ba Área, Mateus da Costa, hateten, eventu ne’e realiza virtuál de’it, tanba nasaun tomak sei hasoru pandemia COVID-19 ne’ebé ezije ema hotu labele halo movimentu.

“Esforsu ne’ebé la’o hela ne’e mak ita halo nafatin promosaun, tuir loos hanesan iha tinan kotuk ita ba partisipa iha eventu internasionál, konferénsia internasionál no exibisaun, para bele promove, maibé tanba buat ida COVID ne’e restruisaun, entaun ema hotu labele la’o, entaun ita uza meiu virtuál ne’e”, Diretór Peskiza no Disponibilizasaun ba Área ANPM ne’e iha Ministériu Finansa (MF), Kuarta (18-11-2020).

Mateus relata, esforsu ba promosaun ne’e hodi bele buka investidór atu dezenvolve bloku seluk, nune’e bele troka bloku Bayu Undan ne’ebé dau-daun ne’e sai hanesan fonte finansiamentu Estadu.

“Klaru prosesu ida peskiza ba atividade mina no gas ne’e han tempu no normalmente ne’e difísil, tanba perfurasaun ne’e presiza ekipa tékniku sira ne’ebé iha, maibé esforsu ne’ebé ita halo mak kampu sira ne’ebé Bayu Undan produz ne’e la’o dau-dauk no atu hetan fali kampu foun no alende Sunrise ita hein, presiza nafatin rezolve atu bele dezenvolve, ita mós iha esforsu seluk para haree nafatin fatin foun ou bloku foun ruma ne’ebé sei mai, ida ne’e mak ita-nia esforsu”, tenik Diretór Peskiza no Disponibilizasaun ba Área ANPM ne’e.

Tuir dadus husi ANPM, dau-daun ne’e iha kompañia internasionál lima (5) mak hatama ona submisaun, hodi tuir konkursu.

ANPM mós kria ona sistema foun ida, nune’e bele fasilita kompañia internasionál sira ne’ebé hakarak partisipa iha konkursu ne’e, liu husi online. ida

Lee hotu :   Relijiaun 5 iha TL hamutuk halo orasaun Jejún no karidade kombate COVID-19

Add to Comments Here!!!!

error: Content is protected.
Secured By miniOrange
You might also like:
Identifika ema tama-sai ilegál, Odete: Sidadaun sira tenke keixa ba parte kompetente

Koordenadora Jerál Corona Virus Disease 2019...

MP-PNSIK destrói droga kilograma 3,253

Ministériu Públiku (MP) ho Polísia Nasionál...

FRETILIN ezije Governu ezonera Ilídio Ximenes

Xefe bankada FRETILIN, Francisco Miranda Branco,...

Close