JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mane ida tenta sunu sede suku Comoro

Mane ida tenta sunu sede suku Comoro

Polísia Nasionál Timor-Leste (PNTL), Eskuadra Dom Aleixo kaptura suspeitu ho inisiál FDA, tanba tenta sunu sede suku Comoro, postu administrativu Dom Aleixo, munisípiu Díli.

Kazu ne’e akontese iha Domingu, loron 15, fulan ne’e, mais ou menus tuku 04:30 madrugada oras Timor-Leste. Iha akontesimentu ne’e suspeitu prepara tiha ahi, hafoin baku rahun vidru janela sede suku, hodi soe ahi ba edifísiu laran no konsege han dokumentu balun.

Hafoin akontese kazu refere, pesoál seguransa edifísiu públiku iha sede suku Comoro hamate kedas ahi, nune’e ahi la konsege lakan boot no han dokumentu no sasan sira seluk tan.

Tuir membru seguransa ne’ebé lakohi fó sai nia naran hateten, nia parte koñese moos suspeitu refere, nune’e seguransa refere fó hatene ba suspeitu nia inan-aman ba akontesimentu ne’e.

Membru seguransa ne’e mós hato’o ona keixa ba Eskuadra Polísia Dom Aleixo no kaptura suspeitu no hatama iha sela, molok submete ba prosesu investigasaun.

Suspeitu ne’e mós posibilidade detein oras 72, molok aprezenta ba iha Tribunál Distritál Díli (TDD), hodi tuir primeiru interogatóriu.

Abitante Bernado Albino, nu’udár suspeitu nia aman, hateten, prontu kolobora ho seguransa, atu nune’e Polísia bele hala’o prosesu investigasaun ba iha nia oan mane.

“Ho akontesimentu ne’e ami prontu entrega ami nia oan, hodi submete ba prosesu investigasaun, tanba ami-nia oan komete ona aktu krime ne’e”, Abitante suku Comoro ne’e ba GMN iha Eskuadra Dom Aleixo, Domingu (15/11/2020).

Relasiona ho kazu refere GMN tenta atu halo konfirmasaun ho Xefe suku Comoro, Eurico da Costa de Jesus, hodi hatene kona-bá dokumentu balun iha edifísiu laran ne’ebé ahi-han, maibé autoridade lokal ne’e laiha fatin. avi

Lee hotu :   L-7: Jerasaun foun tenke konsidera líder nasionál sira nu’udár patrimóniu Estadu

Add to Comments Here!!!!

error: Content is protected.
Secured By miniOrange
You might also like:
Governu ezekuta ona fundu COVID-19 pursentu 38

Vise Ministra Finansas (MF), Sara Lobo...

Konstrui moru, Reitór UNTL husu orsamentu adisionál USD rihun 500 ba PN

Reitór Universidade Nasionál Timor Lorosa’e (UNTL),...

Sidadaun Indonézia pozitivu COVID-19 rekuperadu

Koordenadora Jerál Corona Virus Disease 2019...

Close