JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo husu KKLN fó liman ba malu serví TL

PR Lú Olo husu KKLN fó liman ba malu serví TL

Prezidente  Repúblika (PR), Francisco Guterres “Lú Olo”, apela ba Konsellu Kombatente Libertasaun Nasionál (KKLN) atu fó liman ba malu, hodi serví Timor-Leste (TL).

“Ha’u hakarak saúda eis kombatente hotu-hotu hela iha rai-laran no rai-liur no apela ba imi hotu atu fó liman ba malu no serví nafatin povu no nasaun Timor-Leste  hanesan hori-uluk”, Chefe Casa militar, Coronel António da Silva “Maucalo”, liu husi ninia diskursu wainhira abertura primeiru asembleia jerál KKLN, Kuarta (18/11/2020), iha Kuartel Jenerál F-FDTL, Fatuhada, Díli.

Tuir loloos PR Lú Olo mai hala’o abertura primeira asembleia  jerál  KKLN, maibé tanba Xefe Estadu vizita munisípiu Ermera, delega hela Chefe Casa militar, Coronel Maucalo reprezenta PR hodi abertura primeira asembleia ne’e.

“Iha ita-nia ukun-an ida ne’e, ita presiza harí kondisaun atu hakuak nafatin eis Kombatente Libertasaun Nasionál nu’udár edukadór ba valor no prinisípiu ne’ebé ita hakarak hametin nafatin atu ita-nia povu la’o ba oin nafatin ho domin, respeitu, fó liman ba malu, moris iha paz no estabilidade, no halo tuir regra Estado de Direito”, dehan Maucalo.

Alende ne’e Prezidente KKLN, Vidal de Jesus “Riak Leman”, hateten, objetivu asembleia jerál ne’e atu aprova planu estrátejiku ninian no sei aprova bandeira KKLN.

“Primeira asembleia jerál ne’e atu aprova planu estrátejiku Konsellu nian ne’ebé ekipa téknika prepara no aprova bandeira Konsellu Nasionál nian, logo ho rejimentu asembleia ninian, ida ne’e mak ohin atu aprova”, dehan Riak Leman.

Asembleia jerál ne’e hala’o durante loron tolu, hahú Kuarta (18/11) no sei remata iha Sesta (20/11). Partisipa husi delegadu munisipál ou estrutura ne’ebé mak eleitu Konsellu munisipál. Tema ba primeira asembleia ne’e mak Servidor do Povo e Povo da Nação. avi

Lee hotu :   António: Governu tenke muda komunidade iha resintu eskola-uma temporáriu Merkadu Becora

Add to Comments Here!!!!

error: Content is protected.
Secured By miniOrange
You might also like:
Autoridade lokál sira apresia Xanana nia asaun karitativa

Ho asaun karitativa ne’ebé Kay Rala...

Rui Gomes: Ha’u hetan konfiansa husi PM-PR asume kargu MF

Ministru Finansas (MF) nomeadu, Rui Gomes,...

Governu la sériu dada kadoras GS mai TL

Vise Xefe bankada CNRT, Patrocínio Fernandes,...

Close