JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana asiste jogu finál SLB Laulara kontra Lalenok United

Xanana asiste jogu finál SLB Laulara kontra Lalenok United

Lider Karismátiku, Kay Rala Xanana Gusmão iha Sábadu (12/12/2020), mosu hikas iha palku Very Important Person (VIP) Estádiu Munisipál Díli, hodi asiste jogu finál Taxa 12 de Novembro entre ekipa SLB Laulara kontra Lalenok United, hafoin Xanana kumpre auto kuarentena iha ninia rezidénsia Balibar, suku Laulara, hafoin halo tratamentu saúde iha Ospitál Militár Gatot Subroto, Jakarta, Indonézia.

Iha jogu finál ne’e, Lalenok United sai kampeaun iha taxa 12 de Novembro ne’e, hafoin halakon SLB Laulara liu husi penalidade 4-1.

Koordenadora Jerál COVID-19 Ministeriu Saúde (MS), Odete da Silva Viegas, hateten, rezultadu médiku no teste Swab hatudu Xanana Gusmão ho kondisaun di’ak, tan ne’e Xanana bele hala’o atividade hanesan bai-bain.

“Regra MS estabelese to’o loron 14 no atu liberta husi loron 14 sei hetan teste Swab negativu, tanba ne’e maun Xanana livre no nu’udár sidadaun ida hetan sertifikadu no bele ona halo atividade hanesan bai-bain”, dehan Koordenadora Jerál COVID-19 MS ne’e hafoin Xanana livre husi kuarentena.

Hafoin kumpre loron 14 hodi halo auto kuarentena, líder Karismátiku ne’e kontinua kedas nia atividade hanesan bai-bain, hodi tun direta asiste jogu finál Taxa 12 de Novembro entre ninia ekipa SLB Laulara joga kontra Lalenok United.

Antes ne’e, Kay Rala Xanana Gusmão, dezloka ba Jakarta, iha loron 18, fulan Novembru, liu husi Aeroportu Internationál Nicolau Lobato ho aviaun Jet Privadu, hodi halo tratamentu saúde.

Lalenok United sai kampeaun taxa 12 de Novembro

Ekipa futebol Lalenok United kontinua halo istória iha futebol Timor-Leste hafoin iha finál taxa 12 de Novembro, tinan 2020, manan tan SLB Laulara liu husi penalidade ho skor 4 a 1.

Ekipa Lalenok United ne’ebé lidera husi Simon Elissetche hatudu performa ne’ebé di’ak, ekipa rua antes ne’e hasoru malu ona iha finál Copa FFTL ne’ebé hala’o iha esádiu Cafe Ermera ne’ebé rezulta Lalenok United manan ho skor mihis 1 a 0.

Iha primeira parte jogu ekipa rua ne’ebé mai ho fiar-an lansa kedas presaun ba malu, ida-ida hatudu nia talentu jogu ne’ebé atrai tebes adeptu sira.

Tama iha minutu 6 Lalenok hetan oportunidade liu husi bola falta, nune’e avansadu Lalenok united Elias Misquita ne’ebé sai ezekutu foti inisiativa hodi lansa sutu, husi sutu ne’ebé jogadór ne’e lansa lori duni rezultadu hafoin baliza SLB Laulara halo blunder, nune’e rezulta golu.

Provizóriu Lalenok lidera ho skor 1 a 0 no skor ne’e mantein to’o remata. Hafoin deskansa minutu 15 tama fali ba segunda parte SLB Laulara ne’ebé koñesidu ho naran Makikit Laulara komesa hasa’e liu tan ritmu jogu, nune’e fó presaun ba Lalenok United. Husi presaun ne’e lori duni rezultadu hafoin tama iha minutu 52 jogadór estrela husi Makikit Laulara João Pedro marka golu nune’e muda skor ba 1 a 1.

Ho skor ne’e ekipa rua komesa halo ona mudansa ba jogadór, inklui tátika, maibe to’o remata skor ne’e mantein nafatin, nune’e ekipa rua tenke hakat ba penalidade. Iha penalidade ne’e Makikit Laulara rende hafoin derota ho skor 4 a 1.

Treinadór Lalenok United, Simon Elissetche, agradese ba jogadór sira ne’ebé hatudu jogu di’ak tebes no apresia ba SLB Laulara ne’ebé hatudu jogu ne’ebé di’ak.

“Ha’u kontente tebes, tanba bele manan taxa de 12 Novembro, taxa ne’e signifikante tebes ba Timor-Leste no agradese ba jogadór sira, tanba bele hatudu nafatin jogu ne’ebé di’ak. Iha fatin ne’e mós ha’u hakarak fó ha’u nia apresiasaun ba SLB ne’ebé hatudu jogu furak no di’ak tebes”, dehan Simon Elissetche iha Estádiu Munisipál Díli, Sábadu (12/12/2020).

Jogu finál taxa 12 de Novembro ne’e hanesan onra boot ba ekipa rua, tanba asiste direta husi líder Karismátiku, Kay Rala Xanana Gusmão ne’ebé remata ona ninia auto kuarentena durante loron 14. nes

Lee hotu :   ANATL ho SEPS dada sai ona aviaun Jet hosi pista

Add to Comments Here!!!!

error: Content is protected.
Secured By miniOrange
You might also like:
OJE 2021 aprovadu iha PN, PM Taur lamenta CNRT la partisipa

Atu sustenta mákina Estadu funsiona ho...

PNTL rekolla motorizada sia husi grupu NAKROMA

Polísia Nasionál Timor-Leste (PNTL) rekolla ona...

Durante periódu COVID-19, CAC rejista kazu korupsaun 68

Komisáriu Comissão Anti Corrupção (CAC), Sergio...

Close