JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FONGTIL: PN seidauk intende di’ak direitu umanu

FONGTIL: PN seidauk intende di’ak direitu umanu

Forum Organizasaun Naun Govermentál Timor Leste (FONGTIL), konsidera, deputadu sira seidauk intende loloos kona-bá asuntu direitu umanu, relasiona ho lamentasaun reprezentante povu iha uma fukun PN kona-bá polítika Governu atu atribui subsídiu ba prizioneiru ne’ebé hetan ona liberdade totál.

Diretór FONGTIL, Daniel dos Santos Carmo, hateten, prizioneiru sira-nia direitu fundamentál hanesan mós ho sidadaun sira seluk, tuir lei inan Konstituisaun RDTL no konvensaun internasionál ba direitu umanu ne’ebé Estadu ratifika.

“Parlamentu la hatene perspetiva direitu umanu ne’e problema, tanba ne’e mak halo deklarasaun sira hanesan infantíl. Prizioneiru sira hetan pena ne’e, tanba sira-nia hahalok ne’e, maibé sira ba prizaun ne’e atu halo reflesaun atu reflete, atu reabilita wainhira sira sai fali mai, sira bele sai ema di’ak atu labele repete fali buat sira ne’ebé halo iha tempu liu-ba”, Diretór FONGTIL ne’e ba GMN iha ninia kna’ar fatin, Caicoli-Díli, Kuarta (10/02/2021).

Daniel akresenta, subsídiu ne’ebé fó hanesan responsabilidade morál husi Estadu ba ninia sidadaun hotu, nune’e bele iha kondisaun ne’ebé natón wainhira sira re-integra ba família.

“Tanba tempu barak prizioneiru sira laiha tempu dezenvolve nia família, tanba prizioneiru sira iha membru família, sé nia feto nia iha la’en, sé nia mane nia iha fen no iha oan, entaun durante ne’e nia laiha posibilidade atu dezenvolve nia família”, tenik Diretór FONGTIL ne’e.

Tuir nia, membru barak husi FONGTIL mak dau-daun ne’e halo hela monitorizasaun ba prizioneiru sira, atu evita labele mosu violasaun direitu umanu ba dadur sira.

Ministru Justisa, Manuel Cárceres, konfirma, programa ne’e la’ós fó subsídiu ba eis prizioneiru, maibé prosesu re-insersaun sosiál, nune’e bele muda sira-nia mentalidade no atitude morál atu família vítima no komunidade bele simu fali sira ho di’ak, wainhira prizioneiru ne’e kumpre ona nia sala.

“Ministru Justisa nunka ko’alia fó subsídiu ba eis-prizioneiru no nunka temi programa ida atu fó fali subsídiu osan ba António ka Maria, sé fó ba sira di’ak liu fó ba vítima sira ne’e”, tenik Ministru Justisa.

Maske nune’e, iha Segunda, loron 8, fulan ne’e, Governu liu hosi Ministériu Solidariedade Sosiál no Inkluzaun ho Ministériu Justisa selebra ona akordu intendimentu ida, hodi fó apoiu osan USD 200 ba kada prizioneiru ne’ebé hetan ona liberdade, hodi integra ba família. ves

Lee hotu :   GJMD ho PNTL hasai vendedór sira iha Comoro

Add to Comments Here!!!!

error: Content is protected.
Secured By miniOrange
You might also like:
PPN resposta ona karta notifikasaun husi TR

Prezidente Parlamentu Nasionál (PPN), Aniceto Guterres,...

Estrutura KI períodu 2021-2025 simu pose

Prezidente Parlamentu Nasionál (PN), Aniceto Guterres,...

Lere: F-FDTL deve foos-mina sustentabiliza membru nia kabun

Xefe Estadu Maiór FALINTIL-Forsa Defeza Timor-Leste...

Close