JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu presiza tetu didi’ak transforma Atauro sai munisípiu

Governu presiza tetu didi’ak transforma Atauro sai munisípiu

Vise xefe bankada CNRT, deputadu Patrocinío Fernandes, husu Governu atu tetu didi’ak antes deside postu administrativu Atauro sai munisípiu, tanba iha implikasaun ba rekursu no kustu, nune’e la’ós pormove de’it governasaun ba públiku, hodi implika ba futuru.

Deputadu opozisaun ne’e hateten, desizaun harii munisípiu ne’e sei implika kustu no rekursu,  tanba ne’e, nia parte sujere atu Governu indentifika no prepara didi’ak nune’e labele fó impaktu ba futuru.

“Iha Konstituisaun rasik hateten ona, Atauro ho Oecusse ne’e sai zona espesiál, hanoin ne’e laiha problema, maibe iha problema mak em termo de rekursus hotu-hotu, rekursus humanus, materiais ka buat sira ne’e hotu ita bele ona ka la’e? Agora oportunidade atu bele transforma Atauro sai ba munisípiu ida ka la’e? em prinsípiu laiha problema ho lei ruma, ida ne’e Governu mak iha kompeténsia liu, atu define área administrativa no buat sira ne’e hotu. Importante mak governu tetu ita nia aspetu de rekursu no buat sira ne’e hotu, tanba ita trata de’it 13 munisípiu ne’e mós to’o agora ita uluk fatuk moras, satán aumenta munisípiu aumenta tan ne’e oinsa?, tanba buat sira ne’e hotu implika ba kustus, rekursus no buat hotu. Maibe Atauro ne’e populasaun sira mós iha direitu atu goja hanesan munisípiu, problema mak estadu tenke trata estadu ne’e tomak, labele uza oinsa mak atu promove ita-nia governasaun  iha públiku, depois no fim buat sira ne’e hotu ladun funsiona, tanba implika ba orsamentu no buat sira ne’e hotu”,rekomenda deputadu opozisaun ne’e ba GMN iha PN, Tersa(23/02/2021)

Alénde ne’e, Prezidente komisaun A, deputadu Joaquim Freitas afirma, polítika governu atu muda estatutu ba Atauro ne’e di’ak tebes, tanba bele realiza planu dezenvolvimentu turizmu integradu.

Lee hotu :   Kongregasaun SCB selebra aniversáriu ba dala-40

Maske nune’e, Deputadu Fretilin ne’e mós rekomenda, identifika didi’ak, atu bele tuir rekezitu hotu.

Iha planu polítika Governu anterior, deside atu transforma Atauro sai Zona espesiál, maibe VIII Governu, liuhosi Konsellu Ministru, halo ona apresiasaun ba pedidu ne’ebé aprezenta hosi Ministériu Administrasaun Estatál, hodi  transforma postu administrativu Atauro sai munisípiu.

Atauro iha Suku lima, aldeia sanulu 18  ho total populasaun kuaze rihun 9 resin.Say

Add to Comments Here!!!!

error: Content is protected.
Secured By miniOrange
You might also like:
Diskusaun KJE 2019, Governu komete iregularidade

Deputadu bankada CNRT, Maria Terezinha Viegas,...

F-FDTL sei simu uluk vasina COVID-19

Membru FALINTIL Forsa Defeza Timor-Leste (F-FDTL),...

Julgamentu ba eis-padre Daschbach taka ba públiku

Tribunal Distrital Oecuse (TDO), Tersa (23/2/2021),...

Close