JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kompañia lokál la konkorda tenderizasaun ba projetu eletrisidade

Kompañia lokál la konkorda tenderizasaun ba projetu eletrisidade

Porta vóz, Alcino Menezes, hateten, projetu dada eletrisidade iha suku 70 resin kompañia sira halo atinji ona pursentu 85, maibé Governu revoga lei hodi hamosu kritéria foun ba projetu refere, hodi halo prosesu tenderizasaun, tanba ne’e sira la konkorda.

Tuir nia, projetu dada enerjia eletrisidade ne’e kompañia lokál sira hahú kedas iha tinan 2010 (bazeia ba lei númeru 40/2012) ne’ebé fó biban ba kompañia lokál sira atu dada liña eletrisidade no dau-daun ne’e projetu ne’e hela de’it pursentu 15.

“Governu revoga fali lei ne’e hodi hamosu kritéria foun ba projetu eletrisidade atu tama hotu ba prosesu tenderizasaun, ida ne’e mak ami mai atu ezije, tanba iha maluk barak mak hetan ona sira-nia direitu, maibé ami seidauk, maske ami-nia dokumentu ne’e loos ona, ita mai iha EDTL ne’e atu hato’o ita nia preokupasaun sira ba Prezidente EP foun, maibé EDTL uluk ho agora ninia natureza la hanesan ona, entaun Prezidente rasik labele halo buat ida, nia sei lori ba konsellu administrativu hodi diskute ami-nia aspirasaun ne’ebé ami hato’o katak, projetu eletrisidade ne’ebé kompañia sira ezekuta ona pursentu 85, ne’ebé liu husi ajudikasaun”, Porta vós kompañia eletrisidade, Alcino Menezes ba GMN iha EDTL Caicoli-Díli, Sesta (05/02/2021).

Nia haktuir, problema projetu liña eletrisidade ne’e mós diretór kompañia sira hato’o ona ba ukun-na’in sira, maibé to’o agora seidauk iha solusaun.

“Ami-nia problema ne’e hato’o ona ba ita-nia Primeiru Ministru (PM), Taur Matan Ruak no halo mós karta petisaun ba Parlamentu Nasionál (PN) ba iha komisaun E ne’ebé trata asuntu infraestrutura atu haree hodi revoga lei ne’e, para ami mós labele lakon ami-nia direitu hanesan mós sira seluk, tanba durante ne’e ami lakon ona osan lubuk ida hodi halo projetu liña eletrisidade, ne’e duni ami nia ezijénsia mak tenke iha solusaun”, tenik porta vóz ne’e.

Iha fatin hanesan, Veteranu Domingos Barreto ‘Tafui’, lamenta, tebes ho desizaun Governu hodi halo revogasaun ba lei projetu liña eletrisidade.

“Ha’u hanesan ema veteranu lamenta tebes ho desizaun Governu nian ne’ebé kria sistema tenderizasaun ba projetu eletrisidade, tanba projetu liña eletrisidade ne’e ami kompañia lokál sira halo ona, maibé tanba saída mak Governu revoga fali lei hodi hamosu fali prosesu tenderizasaun, ne’e duni ami la konkorda, durante ne’e ami veteranu sira ba mai Díli hatama dokumentu halo ami nia osan lakon lubuk ida ona, maibé ikus mai Governu atu loke fali sistema tenderizasaun ne’ebé ami la konkorda, ami sei halo asaun hasoru Governu ba sistema ne’e”, hateten veteranu ne’e.

Entretantu, kompañia sira konsidera lei ne’ebé Governu revoga hodi loke sistema tenderizasaun, ne’e la di’ak, tanba bele hamate kompañia lokál sira no fó oportunidade ba kompañia internasionál sira mak hetan lukru iha Timor no lori osan sai ba rai-liur. aba

Lee hotu :   Vizita Amu Papa mai TL seidauk klaru

Add to Comments Here!!!!

error: Content is protected.
Secured By miniOrange
You might also like:
Ema na’in tolu kanek tanba hetan asaltu husi Grupu organizadu

Bus Naza Made diresaun Viqueque-Díli, hetan...

Governu sei rezerva no konserva patrimóniu kulturál

Sekretáriu Estadu Arte no Kultura (SEAK),...

Timor-Leste seidauk iha transmisaun lokál

Koordenadora Jerál Komisaun Nasionál COVID-19, Odete...

Close