JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade Golgota haruka fila pakote sesta bázika

Komunidade Golgota haruka fila pakote sesta bázika

Komunidade aldeia Golgota, suku Comoro haruka fila pakote sesta bázika, ne’ebé distribuidór sira lori atu fahe ba komunidade iha aldeia refere, ho razaun tanba pakote sesta bázika ne’e la tuir valór ne’ebé iha voucher laran.

“Ami populasaun Golgota la’ós kontra lei no la’ós kontra Governu, maibé ami ezije ami nia direitu, tanba osan ne’ebé Governu promete ema ida 50 dollar, entaun sasán mós tuir ida ne’e, sé la tuir 50 dollar, maibé hanesan ita-boot sira haree masi-midar la dollar 5, depois mina ne’e 1 dollar ninian, nune’e mós ho sasán ki’ik oan sira ne’e, foos kilo 5, ida ne’e valór to’o 20 dollar de’it, ida ne’e mak ami lamenta”, Xefe Bairro Golgota, Alípio Cardoso Moniz hato’o informasaun ne’e ba GMN iha sede suku Comoro, Kinta (18-02-2021).

Alípio hatete, sasán sira ne’e la tuir kompromisu Governu nian, nune’e halo sira lamenta, tanba aldeia sira seluk simu sasán sesta bázika iha loja ne’ebé Governu kontrata ona, maibé ba aldeia Golgota fahe fali iha sede suku.

“Ami atu husu kompañia razaun saída mak ami simu fali iha sede suku, tanba antes ne’e sira hotu-hotu simu iha loja, ami simu fali iha sede suku, ida ne’e mak ami ezije ami-nia direitu, tanba ami aldeia Golgota la’ós restu ba sasán ida ne’e, para ami mai simu fali iha ne’e simu paket de’it, tanba ida ne’e mak ami tenke ezije, tanba osan ne’e osan povu nian”, nia ezije.

Iha biban ne’e, Alípio husu ba instituisaun idependente sira hanesan CAC, PCIC no PDHJ tenke tun ba terrenu, hodi haree kompañia sira ne’ebé lori sesta bázika fahe ba komunidade sira.

Xefe Aldeia Golgota, Agostinho de Sousa Pereira, informa, hanesan autoridade lokál no liman-ain ba Governu prontu simu orientasaun, maibé wainhira sasán la tuir komunidade nia hakarak sira labele obriga komunidade, tanba ne’e komunidade ninia direitu atu ezije.

 “Ne’e sira-nia razaun no ne’e sira-nia direitu, tanba iha loja ne’e buat hotu-hotu, tanba iha ne’ebá ne’e ita bele ko’alia laiha manipulasaun ida, iha ne’ebá fó nota depois ita ba hili sasán ne’e tuir ita-nia hakarak duni, hanesan ohin ne’e sasán prepara tiha mak lori mai ne’e konserteza la tuir sira-nia hakarak, entaun hakarak ka lakohi sira tenke rejeita sasán sira ne’e, entaun tenke fila”, esplika nia.

Atu hetan direitu ba apoiu sesta bázika ne’e, Agostinho informa, ba oin hanesan membru Konsellu Suku Comoro, hamutuk ho Xefe Suku, husu ba ministériu relevante atu rezolve problema ba aldeia sira ne’ebé seidauk hetan distribuisaun apoiu sesta bázika.

Entretantu totál família iha aldeia Golgota hamutuk 156 no aldeia hirak ne’ebé atu simu sasán sesta bázika iha sede suku Comoro mak hanesan Golgota, Ramelau, Delta, Postu Penál, São Miguel no 4 de Setembro. eni

Lee hotu :   Dom Basílio lamenta kazu omisídiu Liquiça

Add to Comments Here!!!!

error: Content is protected.
Secured By miniOrange
You might also like:
PN husu Governu fornese bee-moos ba eskola sira

Deputadu Parlamentu Nasionál (PN) husu ba...

Hamutuk ho feto, MCS hakotu iis iha otél

Abitante ida ho inisiál MCS hakotu...

Governu prosesa ona pagamentu ba distribuidór sesta bázika

Ministru Koordenadór Asuntu Ekonómiku (MKAE), Joaquim...

Close