JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun estranjeiru 1.020 sai sidadaun Timor-Leste

Sidadaun estranjeiru 1.020 sai sidadaun Timor-Leste

Ministériu Justísa (MJ) liu hosi Diresaun Nasionál Rejistu Notariadu (DNRN) fó ona nasionalidade ba sidadaun estranjeiru hamutuk 1.020, hodi sai nu’udár sidadaun Timorense.

Diretór Nasionál Rejistu Notariadu, Crisogno da Costa Neto, hateten, sidadaun sira ne’e sertifika dezde tinan 2006 to’o tinan 2020, ho kategoria tolu mak hanesan sidadaun estranjeiru kaben ho Timor-oan mais ou menus tinan 5, naturalizasaun no altu relevante no mós reakizisaun.

Tipu atribuisaun sira mak hanesan pur kazamentu hamutuk sidadaun 977, pur naturalizasaun sidadaun 12 no pur altu relevante servisu sidadaun 31.

Sidadaun 1.020 mai husi nasaun sira hanesan Indonézia, Portugál, Austrália, Brazíl, Cuba, Pakistaun, Índia, Bangladesh, Filipina, Vietname, Xina, Srilangka, Mozambique no Bélgica.

“Ita fó ona nasionalidade Timorense ba ema estranjeiru hamutuk pur volta de 1.020 pessoas, por város países ninian”, Diretór Nasionál Rejistu Notariadu ne’e ba GMN iha ninia kna’ar fatin, Colmera-Díli, Kinta (03/02/2021).

Crisogno haktuir, ba tinan 2021 iha tan sidadaun estranjeiru 169 mak hein hela despaixu husi Governu ba konservadór rejistu sentrál, hodi emite sertifikadu ba sidadaun sira ne’e bele sai ona nasionalidade Timorense.

“Maibé agora dau-dauk atu sai tan sidadaun Timorense por volta de 169, ne’e agora hein de’it despaixu señor Ministru nian, depois hatún despaixu mai ami parte konservadór sentrál, hodi emite sertifikadu ba sira”, tenik Diretór Nasionál Rejistu Notariadu ne’e.

Nia akresenta, sidadaun sira ne’e kompleta ona dokumentu komprovativu hanesan sertidaun moris, sertidaun kazamentu no mós dokumentu importante sira seluk iha Ministériu Justisa no ba Parlamentu Nasionál hodi hatún despaixu, nune’e Rejistu Notariadu bele fó teste ba sidadaun sira ne’e.

Baze legál ba atribuisaun sidadaun estranjeiru sai nasionalidade Timorense mai husi lei inan Konstituisaun RDTL artigu 3, ne’ebé fó biban ba Ministériu Justisa, hodi estabelese lei oan sira mak hanesan lei númeru 09/2002, kona-bá lei nasionalidade no mós dekretu lei númeru 01/2004 kona-bá regulamentu ba lei nasionalidade. san

Lee hotu :   PNTL hamoos ona letra iha moru-lolon

Add to Comments Here!!!!

error: Content is protected.
Secured By miniOrange
You might also like:
Tarde aprezenta relatóriu, PN bolu autoridade RAEOA

Parlamentu Naisonál (PN) liu hosi komisaun...

MS deteta tan Timor-oan na’in tolu pozitivu COVID-19

Ministériu Saúde (MS) liu husi Komisaun...

Laiha mate tanba COVID-19, PM Taur deklara susesu

Primeiru Ministru (PM), Taur Matan Ruak,...

Close